DEN CHIKÍ
Fidget Spinner
Fidget spinner ta un kos di hunga nobo originalmente pa mucha òf hendenan ku tin ADHD òf strès. E opheto aki ta bin den tur forma i durante uzo e ta kue velosidat ora bo drai e. E fidget spinner aki ta masha trendy i gustá bou di hubentut.
Maske ku e ta hopi popular i ta mustra atraktivo, tòg ta bon pa tene kuenta ku e tin su peligernan kuné . 20 aña pasá e opheto aki a wòrdu inventá dor di un merikano ‘Catherine Hettinger’. Tempu ku e la inventá e opheto aki apénas e tabata wòrdu bende. Despues ku el a stòp di hala atenshon, awor despues di 20 aña e idea a wòrdu introdusí atrobe.
E Peliger nan di Fidget spinner
Fidget spinner ta wòrdu uza dor di tur hende awendia. Pero e hende nan ku ta uza esaki no sa ku tin peliger tambe tras di esaki .E por okashoná desgrasianan serio serka nos mes dor di deskuido.
Por ehèmpel; e desgrasianan por ta enserá kòrtamentu den área di wowo, kara i asta garganta i na bo man mes entre bo dedenan kubo ta uza pa tene i spin e opheto aki.
Na Kòrsou nos no a haña keho di esaki ainda pero tin diferente pais na mundu kaminda si a surgi desgrasia serka hóben nan ku a hasi daño na nan mes ku e fidget spinner aki dor di hasi mal wega butando e drai riba parti nan delikado di kurpa por ehèmpel bou di wowo.