DEN CHIKÍ
Muesli Saludabel!
E ta zona kontradiktorio, no? Pero tòg ta bon pa bo sa...
Muesli usá di forma korekto, por ta e alimentu ideal pa bo kuminsá bo dia kuné. Segun un estudio hasí pa un sentro di alimentashon Hulandes, muesli, pa e ta saludabel mester ta konsistí di un meks di grano, avena i sereal ku no ta kontené suku, máksimo 30% di nechi i pinda i no mas ku 20% di fruta seku (sin suku). Voral pa e último parti aki, mayoria muesli ta faya kuné.
Un investigashon hasi dor di Consumentenbond den diferente supermarket ta mustra ku apénas algun marka di muesli riba merkado ta yega e stándart di ménos di 20% na fruta seku i sero suku. Esakinan a resultá di ta e markanan (ekonómiko) AH Basic i
OK€.
Pues ta bon pa nos paga tinu kiko nos ta kumpra presis. No pasobra un produkto yama muesli kier men ku di bèrdat e ta un superfood manera nan ta propagand’e. Lesa e etikèt pa bo sa bon ta kiko bo ta konsumiendo.