Den nos Warenlandsverordering tin reglanan general stipulá pa tur merkansia ku ta keda bende riba nos merkado. For di importashon, kontenido, ingredientenan i uso di aditivo artifisial, modo di transporte, etikèt, manera di bende, te na fecha di vensementu i grado di edukashon di esnan ku ta bende nos sierto merkansia. E lei tambe ta stipulá ku pa kada área spesífiko Landsbesluitnan mester keda trahá pa regulá esaki. Un ehèmpel ta e Landsbesluit Etikettering ku ta pone reglanan kiko mester tin poné riba etikètnan di produktonan ku nos ta kumpra.
Un ròl esensial den e parti di desaroyo di leinan nobo i konseho na gobièrnu pa tur loke ta trata merkansianan riba nos merkado i normanan pa esakinan a keda duná den e mesun lei di Merkansia na e Adviescommissie Waren, òf e Komishon di Konseho di Merkansia i Alimento. E komishon aki a keda instalá riba 17 di òktober 2003 pa e Minister de Salubridat i Desaroyo Sosial di e tempu ei.
E komishon di Konseho tin e siguiente tareanan:
- Duna konseho solisitá i no-solisitá na Minister di
Salubridat tokante di tur loke ta trata e Lei di
Merkansia.
- E komishon tin espasio pa duna konseho i
komentario riba tur lei basá riba e Lei di Merkansia.
- Ekomishon ta konsistí di un máksimo di 15
miembro di kua un tersera parti nombrá pa
komersio, un tersera parti nombra pa
organisashon(nan) di konsumidó i un tersera parti
nombrá pa Minister.
E Komishon di Konseho mester keda tendé promé ku pasa leinan ku ta bai tokante loke nos ta kumpra i por duna rekomendashonnan na gobièrnu si e ta haña esaki nesesario. Aki e komishon por traha ku ekspertonan pa bin ku normanan pa por ehèmpel bou di kua kondishon un panadero por traha pan. Kua supstansianan por keda poné den nos awa. Pero tambe riba terenonan no komestibel e Komishon di Konseho aki por bini ku rekomendashonnan pa hisa kalidat di produktonan ku nos ta konsumí.
Den e último desena e Komishon di Konseho a trata riba diferente temanan pa mehorá e kalidat di nos produktonan manera e Landsbesluit Drinkwater, Landsbesluit Etiketering pero tambe riba produktonan nobo ku a i ta subi riba nos merkado.
Na 2003 ora ku e komishon a keda instalá ei tabata konsistí di miembronan di tur sinku isla di Antia Hulandes. Despues ku Kòrsou a bira outónomo mester a bini ku un otro konstelashon di e komishon i bini ku miembronan nobo di solamente Kòrsou. Aki e komishon a stòp di funshoná aunke ku algun miembro a trata di pone e komishon riba agènda di e diferente gabinetenan ku Kòrsou a konosé, for di 10-10-10 te ainda e komishon di konseho no ta aktivo bou di Kòrsou outónomo.
Fundashon pa Konsumidó a pone komo un di su metanan for di aña 2014 pa hinka bida nobo den e Komishon di Konseho. E nesesidat di un entidat asin’aki ta algu ku nos tur ta mira su importansia. Nos a manda un karta na novèmber 2014 Pa minister di Salubridat pa atendé e tópiko aki sin a risibí kontesta. Ku aporte i soporte di tur konsumidó nos lo kuminsá un kampaña atrobepa asina trese e tema aki riba agènda i asina urgí polítika di Kòrsou pa tene nos salú na pechu dor di hasi posibel ku nos tambe tin un stèm den loke nos ta kome, bebe i uza. Keda pendiente pa nos kampaña.
instituí bèk e
Editorial
PRÓLOGO
Marc Marshall
Direktor
KOmishon di konseho
di alemento i merkansia