Pa bo krea sosten pa un meta bo mester splika kiko konkretamente ta e kontenido di e lei, en partikular e parti di e fondo di garantia. Manera anteriormente indiká, ATSK a dediká atenshon na esaki den nos edishon di dezèmber. Nos ta di opinion ku mas bo toka e tópiko i mas bo keda ripití e importansia di e fondo mas nos komunidat ta realisá e balor i nesesidat pa instituí e fondo i sòru pa e fondo tin fondo pa kubrí gastunan di esnan perhudiká.
E biaha aki nos lo bai mas den e teksto di lei di LAM ku ta trata e fondo di garantia. Artíkulonan 15 te ku 19 den e LAM ta trata spesífikamente e fondo di garantia i nos lo tradusí esaki punto pa punto.
Fondo di Garantia pa Tráfiko Motorisá
Artíkulo 15.
1. Tin un Fondo di Garantia pa Tráfiko Motorisá ku e
meta pa kubri gastu di kasonan, manera stipulá den artíkulo 17, di esnan perhudiká manera stipulá den artíkulo 18.
2. E fondo ta un persona hurídiko i ta establesé na
Willemstad Kòrsou.
3. De persona hurídiko Antia Hulandes ta garantisá e
obligashonnan di e fondo.
4. E fondo tin un direktiva i alabes un komishon di
supervishon. Pa ku nombramentu, konstelashon, tareanan i outoridat di e direktiva i komishon di supervishon, i tambe pa ku institushon i forma di traha di e fondo, lo emití reglanan detayá pa òf via di un dekreto nashonal ku ta kontené medidanan general.
Artíkulo 16
1. Kompanianan di seguro lo depositá tur aña un
montante stipulá pa Minister di Finansa den e fondo a base di e kantidat i tipo di outonan ku kada kompania tin sigurá. E momentu i e stipulashon di pago dor di Minister i e forma di pagonan supsekuente ta keda hasí ta keda regla via di un dekreto nashonal ku ta kontené medidanan general.
2.Pa stipulashon di e montante lo tene na remarke
ganashi- i pèrdidanan di den pasado di e kompania di seguro.
Artíkulo 16A
1. Via un dekreto nashonal ku ta kontené
medidanan general por pone preskripshonnan pa ku invershon di sumanan den e fondo.
2. Ganashi for di invershonnan hasí ku sènnan den e
fondo lo keda tene den konsiderashon na momentu di stipulá montantenan nombrá den e artíkulo anterior.
Artíkulo 17
Un perhudikado por, na momentu ku tin un responsabilidat legal di un vehíkulo pa ku e daño okashoná, por hasi un demanda pa daño i perhuisio serka e fondo:
a. Si no por keda establesé ken ta e persona
responsabel, a ménos ku ta plousibel ku e partido perhudiká no a konstatá e echo, ku razonabelmente por a spera di dje;
b. Na momentu ku no a kumpli ku e obligashon di
sigurá
c. Den kaso di inkapasidat di asegurado.
lei di Fondo di Garantia pa
Tráfiko Motorisá
Den nos edishon anterior di Konsumidó Alertá nos a publiká den e seshon di Intermedio un artíkulo di Asosashon Tráfiko Sigur Kòrsou (ATSK) tokante e Fondo di Garantia pa Tráfiko Motorisá. Na kabamentu di 2016 Fundashon pa Konsumidó a sinta na mesa ku ATSK pa den 2017 konhuntamente pone e fondo aki riba agènda nashonal i buska sosten i un base hanchu di apoyo pa yega na introdukshon di e fondo aki ku ya ta mará i ankrá den nos leinan. Pa ta eksakto den e asina yamá Landsverordening van de 23ste december 1976 betreffende verplichte verzekering tegen wettelijke aansprakelijkheid inzake motorrijtuigen (LAM).