AKTUALIDAT
tEPNAN PA
KARNAVAL
Algun teps práktiko:
Pa e temporada di karnaval aki Fundashon pa Konsumidó ke duna algun teps pa salbaguardiá salu di e públiko konsumidó.
- Nunka laga kuminda kushiná para mas di dos ora for di friu òf
kayente. E kuminda tin hopi chèns di daña. Pues si bo ta bai
marcha ku kuminda friu (p.e. salada), sòru pa e ta den algu ku ta
wanta friu. Meskos ta konta pa kumindanan ku mester ta
kayente.
- Si bo tin pensa di kumpra kos afó, ta rekomendabel semper pa
kumpra na un stent di kuminda kaminda ta mas drùk. Esaki por
nifiká ku konstantemente nan ta buta kuminda fresku aserka.
- Si ta bai e diferente marchanan ku mucha, ta konsehabel pa tin
sufisiente líkido pa e chikitinnan. Akinan FpK ta rekomendá pa
bai ku awa, na lugá di refresko ya ku esaki ta mas saludabel i ta
mas fresku.
- Kòrda riba tapon pa oido (oordopjes) pa e muchanan. Protehá
nan oido.
E sinku puntonan klave pa kuminda mas safe
1. Sea alerta i wak i kontrolá ku esunnan ku ta atendé ku
kuminda ta tene nan mes na e reglanan di higiene.
2. Ora ta bai prepará kuminda mester laba man bon ku awa
kayente i habon líkido i frega bo mannan bon.
3. Wak pa e bendedó tin hanskun bisti.
4. Evitá kontaminashon: wak pa no ta usa mesun kuchú/kuchara
pa saka e diferente kumindanan, kurú i esnan kushiná kaba.
5. Wak pa e kuminda ta bon kushiná. Sòru pa e kuminda ta
warda na e temperatura adekuá. friu mester ta friu, i kayente
kayente.
6. Wak pa e fuente di e kuminda ta konfiabel. Wak bon unda bo
ta kumpra. Chek e higiene den besindario.
7. Hole bo kuminda. Kuminda ku ta den daña hopi biaha ta
kuminsá hole daña.
Den e temporada di karnaval Fundashon pa Konsumidó ke alertá tur konsumidó pa pone èkstra atenshon riba kalidat di produktonan di konsumo, espesialmente ora ta kumpra kos riba kaya. Paga tinu tambe riba produktonan trahá a base di lechi pa evitá intoksikashon. Kòrda ku meskos ku bo pòtmòni, bo salu tambe ta bo responsabilidat.
AKTUALIDAT