BO SALÚ
Resolushonnan pa 2017
4. Siña ta mas kontentu ku bo bida
Asta esunnan ku ta den bon kondishon, tin bon entrada i nan bida ta bon i tambe por kontrolá su stress, ainda por ta infelis. Ta tuma tempu i pasenshi pa siña di haña felisidat den kosnan chikí i no laga problema tumbabo.
5. Laga sigaria para
Un mal kustumber ku hopi hende tin ta humamentu i nan no sa kon pa stòp. Humamentu no ta solamente daña bo salú, pero e ta tambe un atrakadó di bo pòtmòni. Ta eksigí hopi “will power” pa stòp ku humamentu, pero ku sosten di famia i amigunan i un tiki bon boluntat bo por logra.
6. Lesa mas
Lesamentu ta un manera ekselente pa amplia bo konosementu tokante un variedat di tópiko i tambe ta un bon manera pa ehersitá bo selebre. No ta dje difísil ei pa lesa 20 buki òf mas durante aña. Úniko kos kubo mester ta desaroyá un bon kustumber, deskubrí kua tipo di buki bo gusta i traha tempu pa lesa.
7. Sali for di debe
Bo no por bai dilanti den bida si debe ta keda trèk bo abou. E kaminda pa sali for di debe ta unu difísil pero ku poko planiamentu i un poko kontròl di bo mes, e ta posibel.
8. Kuminsá spar:
Una bes bo a kontrolá bo debenan, ta ora pa kuminsá pone algu di bo entrada un banda. Mira sparmentu komo un gastu èkstra ku bo tin tur luna. I semper spar sèn ku un propósito, esaki semper ta yuda. Por ehèmpel spar pa bai un vakashon ku famia, drecha bo kas I te asta kumpra un outo nobo, por ta un bon propósito.
Ban pa un mihó bida i un mihó hende