DERECHI I DEBER
Leinan ku tin di haber ku konstrukshon ta un area legal kompliká. Ora ta trata leinan di kontrukshon, no solamente tin diferente partido envolukrá, pero tambe por tin diferente instansia gobernamental kende mester otrogá un pèrmit.
Pa konstruí porehempel un espasio komersial, mester tene na kuenta e leinan pa risibí un pèrmit, pero tambe reglanan di siguridat. Den un konstrukshon asina diferente ekspertonan mester duna aprobashon. Den kaso ku sosodé un konflikto relashoná ku ortogamentu di e pèrmit di kontrukshon, lo mester hasi un kaso legal kontra gobiernu kende ta e autoridat enkargá ku dunamentu di pèrmit. For di esaki ta sali na kla ku ora ta trata di leinan di kontrukshon esaki por trata tantu leinan administrativo i tambe leinan sivil.
Den e aporte aki nos lo konsentra solamente riba e akspekto di leinan sivil. E area di leinan administrativo ku por ta aplikabel p’esei lo no haña atenshon. Nos aksento prinsipal lo ta riba e partidonan ku ta bai un kombenio pa konstrukshon di kas.
Ora ta trata di konstrukshon di kas esaki ta un invershon grandi pa kual ta hasi un fiansa ku lo mara e persona pa un tempu largu. Mirando esaki, ta importante pa tene na kuenta algun aspekto básiko legal ora ta bai konstruí.