Asosashon Tráfiko Sigur Kòrsou, abreviá komo A.T.S.K., a keda fundá di 27 òktober 1950. E historia tras di lantamentu di e asosashon aki ta basá riba e echo ku na 1910 e promé vehíkulo a yega Kòrsou i ya pa 1950 esaki a subi te yega alrededor di 7000. Konsekuentemente Kòrsou tabata riba e lista di paisnan ku hopi outo. Esaki a trese kuné ku aksidentenan no tabata okashonalmente mas i ku mester a yega asina leu ku mester a bini ku reglamentashon pa tráfiko di motor.
Ta na e momento aki, algun persona a bini ku e idea ku mester informá i alertá pueblo riba e aspekto di seguridat den tráfiko. Esaki a kondusí na lantamentu di e asosashon manera ya a keda tresé dilanti. Meta ta pa yuda halsa e nivel di seguridat den tráfiko na Kòrsou den e sentido mas amplio di palabra. A.T.S.K. ta purba di logra esaki pa medio di: traha, haña I repartishon di materialnan ku por keda uzá pa halsa e nivel di seguridat riba kaya. Tambe ta bini ku remitidonan den korant; kurso di motivashon I edukashon di tráfiko na nos hóbennan. Na 1965 a inougurá un parke di tráfiko, kaminda muchanan di skol di fundeshi ta risibí edukashon di tráfiko tantu teorétiko komo práktiko
Regularmente A.T.S.K. ta trese su punto di bista den medionan di komunikashon dilanti relashoná ku diferente aspektonan ku ta toka seguridat den tráfiko i anualmente ta publiká sifranan ku tin di aber ku aksidentenan tráfiko.
Manera ya ta konosí, na momento di un aksidente sin herido, e kompania Forensys, ántes 199, ta presentá pa brinda e servisio di yenamentu di sierto formulario I ta indiká ámbos partido pa akudí na nan kompania di seguro.
Fondo di Garantia pa Tráfiko Motorisá
Asosashon Tráfiko Sigur Kòrsou i Fundashon pa Konsumidó ta uni forsa pa yega na
Fondo di Garantia pa Tráfiko Motorisá