BO SALÚ
Na Kòrsou nos ta biba un bida den kua nos tin hopi aktividat pafó. Hasiendo tur e aktividatnan aki i moviendo hopi, nos kurpa ta mester di líkido pa tene nos kurpa hidratá. I e líkido di mas importante ta awa. Awa ta importante pa entre otro un kueru i kabei saludabel, pa eliminá tóksiko, pa subi nos metabolismo, pa redusí tenementu di vògt i pa aliviá doló di kabes.
Hopi biaha mi klientenan ta bisa mi ku nan no gusta awa. Pasombra awa no ta smak nada. I manera hopi di mi klientenan, mi tambe tabata hopi iresponsabel ku bebe awa i tabata bebe por ehèmpel limonada na lugá di awa. Kaminda nos tur sa ku limonada, inkluso esnan di dieta, ta malu pa bo salú. Bibidanan gaseoso ta yena bo i stroba bo di kome otro kuminda dushi i saludabel i alabes ta yena bo kurpa ku yen di supstansianan dañino pa bo salú.
Tin hopi hende ku pa e motibunan menshoná ariba, ta bebe e asina yamá "Natural Waters” ku tin "sabor natural". Ora mi bai lesa e etikèt di nutrishon di kualke natural water mi a bin tuma nota di un variedat grandi di preservativo, suku artifisial, koló artifisial (Red40, Blue1), sodium, sucrose, dextrose i suku refiná.
Pa bo biba un bida salú, ekspertonan ta sugirí pa bebe un averahe di 2 liter di
awa pa dia. Ta rekomendabel pa bebe èigelùk dòbel di esaki pa dia.
Sigur den nos klima kayente. Pero kon bo ta hasi pa bebe tantu awa
asina, sigur si bo no gusta e smak di awa puru? Pa por ofresé
un opshon saludabel mi a kuminsá traha Infused Water.
Infused Water ta e alternativa pa limonada i otro bibidanan artifisial. E ta dushi i saludabel. Infused
Water ta kontené tiki kaloria i no ta kontené
ingredientenan artifisial. Bo por bebe kuantu ku
bo ke.
Infused Water
10 benefisio di