biaha lèter
den álfabèt
Pa un kompra responsabel apliká
Un konsumidó responsabel ta kumpra artíkulonan pa skol ku realmente e tin nesesidat di dje. Biba segun bo forsa i aktua di un forma inteligente. Nos di Fundashon pa Konsumidó ta fasilitá bu e 5 lèter “R”nan ku abo komo konsumidó por ehekutá na promé, durante òf despues di bo búskeda òf kompra di artíkulonan pa skol.
Rechasá
A. E pensamentu di kumpra tur kos riba e lista di nesesidat pa skol ku bo a traha. Promé ku bo kumpra tur loke tin riba e lista aki, revisá esaki nan un bia mas i evaluá kua di nan tin mas prioridat.
B. E artíkulonan pa skol ku no ta kumpli ku e normanan di kalidat i siguridat. Komo konsumidó bo ke tin e garantia ku e artíkulo ku bo kumpra na inisio di aña eskolar ta unu duradero. Evitá buska doló di kabes na mitar di aña eskolar.
Re-utilisá
A. Unifòrm i tas. E pensamentu “aña nobo, unifòrm i tas nobo”, no ta di un konsumidó konsiente i sabí. Unifòrm i tas den bon estado por wòrdu uzá un aña mas. Manera nan ta bisa na ingles: “Pimp your bag and you’re ready to go”.
B. Map di plèstik. Si esaki ta den bon estado, saka e papelnan di e aña eskolar anterior afó i uz’é un bia mas.
C. Dikshonario, calculator, buki etc. Esakinan ta artíkulonan ku no mester wòrdu benta afó. Semper bo yu òf abo lo tin mester di un di e artíkulonan aki.
1
2
3
18
5
Redusí
A.Kompra di produkto desechabel. Hopi bia nos no ta para ketu na bienestar di nos medio ambiente. Produktonan òf artíkulonan desechabel por ta dañino pa nos medio ambiente. Aportá i yuda konstruí un medio ambiente sano ku ta benefisioso pa nos komo yunan di tera.
B. Produktonan innesesario.
Mayoria skol ta manda un lista di artíkulo di skol ku e mucha mester. Analisá esaki i kumpra e artíkulonan ku di bèrdat ta nesesario.