Telefon Òf tÈblet
KOMPARÁ I KUMPRA
Kada bes tin mas telefòn inteligente ku ta bini ku un skèner di marka di dede (vingerafdruk) pa kita e telefòn inteligente for di lòk pa por haña outorisashon di paga i drenta den aplikashonnan. Consumentenbond Hulanda a añadí e karakterístika aki den nan resultadonan di telefònnan inteligente.
Entretantu, mayoria fabrikante tin un òf mas tipo di telefòn inteligente ku skèner di marka di dede, entre otro Apple IPhone 6s, Samsung Galaxy S6 i Sony Xpenia Z5. Den e 2 lunanan ku a pasa, Consumentenbond a tèst tambe e modelonan di telefòn inteligente One Plus 2, Huawei Mate S, Huawei G8 i LG Nexus 5X.
Pa fasilitá e eskoho di un telefòn inteligente ku un skèner di marka di dede, tin un filter añadí na e menú na man robes di e komparadó. Den e tèst Consumentenbond ta evaluá kada telefòn inteligente riba e fasilidat di kita for di lòk. Normal bo ta kita un telefòn for di lòk ku un kódigo sekreto òf ku un patronchi ku ta konsistí di sifra. Un skèner di marka di dede ku ta funshoná bon ta un alternativa atraktivo pa esakinan i ta sòru pa bónus riba e parti aki di e tèst.
No ta tur e skènernan ta meskos. Fabrikantenan ta pone diferente tipo di skèner den telefòn, tin bia integrá den e kònòpi riba e parti dilanti, tin bia den e boton di ripitishon riba e banda di telefòn i un otro bia riba e parti patras.
Aparentemente e skèner di marka di dede ta bira kada bes mas importante, por ehèmpel pa hasi pago di un telefòn mobil ku un telefòn inteligente. Tambe ku e binida di e Android 6 tin e aplikashonnan mas amplio; asina awor aki bo por saka app den Google Play Store, manera riba un Apple IPhone.