No tin un fecha
Si a akaso bo no a palabrá ningun fecha pa hasi entrega, lei ta bisa ku bo mester duna e komersiante un tèrmino di mínimo 30 dia. Si ainda despues di esaki nan no entregá, e ora ei tambe ta konta ku bo mester duna e komersiante èkstra tempu. Dado kaso despues di a hañá e èkstra tempu i ainda e komersiante no ta kumpli ku e entrega, abo komo konsumidó tin mag di disolvé e akuerdo”. E komersiante no mester entrega e produkto mas i abo no tin ku paga. Si akaso bo a paga kompletu òf un parti, bo tin derechi na haña bo sèn bèk.
Tene na kuenta ku tin biaha por tin rasonnan fuera di alkanse di un komersiante, ku ta buta ku na promé instante e no por a kumpli ku e entrega. Den kaso asina ta importante pa e komersiante por informá bo adekuadamente.
Kiko ta e mihó kos ku bo por hasi?
- Semper wak bon kiko ta poné den e kondishonnan
general over di hasi entrega di un produkto.
- Si e fecha di e supuesto entrega pasa, manda bisa
komersiante por eskrito ku bo ta dun’é èkstra
tempu pa hasi entrega i tambe buta un fecha
eksakto (einddatum) ku mester wòrdu kumplí ku e
entrega. Si resultá ku e fecha aki tambe pasa, bo tin
mag di disolvé por eskrito e akuerdo. Dor di hasi
esaki por eskrito bo ta indiká klaramente ku hasta e
èkstra tempu a pasa i ku ta dor di esei bo no ta
sigui ku e akuerdo. Tambe den mesun karta bo ta
pidi bo sèn bèk ku bo a paga.
- Tambe ta konsehabel ku si den kaso ku tin un fecha
konkreto pa hasi entrega i esei no a logra, pa
manda un karta por eskrito ku bo no ta sigui ku e
akuerdo/kontrato i ku bo ke bo sèn bèk.
- Den kaso ku abo i e komersiante no por yega na un
solushon, bo por pasa na Fundashon pa Konsumidó
i nos lo analisá bo kaso i tuma kontakto ku e
komersiante.
Palabrashon entrega di Produkto