INTERMEDIO
Bentaha di komersio elektróniko
Asina e e-commerce tin hopi mas bentaha pa tantu konsumidó komo bendedó. Laga nos resumí e artíkulo aki ku un lista di bentahanan di e-comerce pa tantu e konsumidó komo e komersiante:
• Internèt ta keda habrí 24 ora pa dia: bo por kumpra
i bende ki ora ku bo ke, i mundu ta bo klientela;
• Lihé: den un ratu di ora un kliente por subi un
wèpsait i hasi su transakshon;
• Kliente ta rei: kliente no tin e “obligashon” mas di
para tende e “verkooppraatje” di e bendedó. Si e
no gusta e ta bai.
• Antisipá: mas ku nunka ta importante pa antisipá
riba akshonnan di kompetidónan. Pa un
komersiante ta promé ku su kompetidónan e
mester antisipá.
• Datonan di kliente: ta interesante pa sa loke e
kliente ke. Ku sistemanan di analisá datonan di
bishitantenan di bo wèpsait bo por sa su
preferensianan i antisipá.
• Transparensia: un kliente por kompará preisnan di
produkto onlain hopi mas fásil. Den merkado
konvenshonal un komersiante por tabata usa
motibunan di kompetensia pa no ta habrí tokante
di preisnan. Nos tur mester realisá ku e poder di
internèt komo kanal di distribushon, benta,
komunikashon i informashon lo hasi hopi difísil pa
sigui bende di forma tradishonal i bringa progreso.
Laga nos tur ban invertí den desaroyo.