BO SALÚ
Protehá bo mes!
Loke dòkternan eksperto den e materia aki ta rekomendá ta e regla di 60/60; skucha muzik na 60 porshento di su volúmen pa máksimo 60 minüt pa biaha. Tin dòkter asta ta sugirí pa bai e 60/60/60. Esta, banda di baha e nivel dje volúmen na 60% i kontrolá kuantu tempu bo ta pasa eksponé na muzik duru (máksimo 60 minüt pa biaha), ta ideal tambe pa tuma un pouze di 60 minüt.
Banda dje regla di 60/60/60 tin mas akshon ku un hende por tuma pa anulá òf sikiera minimalisá e riesgonan pa ku bo oido:
Usa headphone ku ta blòkiá e zonido di pafó na lugá di usa “earpiece”. E aparatonan di kabes aki ta ideal ya ku nan ta laga bo skucha bo muzik preferí
sin tin di pone e spiker dirèkt den bo orea. Tin modèlnan riba merkado ku asta por regla e muzik na e desibèl adekuá.
Si bo ta bai un konsierto, klup òf fiesta ku hopi muzik, trata na skohe un sitio mei mei di e sala, pa mantené bo mes leu for di e spikernan.
Sòru pa bo tin semper bo “oordopjes” huntu ku bo si bo ta un hende ku ta ser eksponé konstantemente na músika duru, por ehèmpel dj’nan ku ta traha den klupnan.
E rekomendashonnan aki ta ideal tambe p’e temporada di karnaval aki. Ban kuida nos oreanan i protehé nos oido!