Kon bo por ehersé e derechinan aki?
Den práktika hopi bia konsumidónan konsiente ta alerta i ta mira òf eksperensiá algu inhustu na nan opinion, òf tin biaha nan ta hasta konstatá algu iregular, ku den nan opinion no por ta posibel. Den kasonan asina ta bon pa akudí serka nos na Fundashon pa Konsumidó. Por tuma kontakto ku nos via telefòn 462-6666 òf via mail [email protected] òf via wèpsait http://www.fundashonpakonsumido.org/.
Seguidamente basá riba e lokual abo komo konsumidó duna Fundashon pa Konsumidó na informashon, Fundashon pa Konsumidó lo inventarisá si ta algu ku Fundashon pa Konsumidó mes por yuda kuné òf si nos lo tin ku aserká otro instansianan di gobièrnu pa pone esaki na nan konosementu .Tambe tin biaha abo komo konsumidó tin un keho spesífiko ku ta envolví un di e derechinan ariba menshoná. Den kaso asina tambe bo por akudí serka Fundashon dor di hasi un keho ofishal. Bo por hasi esaki dor di tuma kontakto ku Fundashon pa Konsumidó pa traha un afsprak pa un entrevista i asina pasa dor di e keho i wak tur e dokumentonan nesesario i konserní. Un rekisito importante pa bo por entregá un keho na Fundashon pa Konsumidó ta ku bo mester a hasi uso di e derechi di reklamá promé. Esei ta nifiká ku bo a aserká e komersiante di un òf otro manera kaba, pero ku boso no a logra yega na un solushon. Despues di un entrevista orientativo Fundashon pa Konsumidó lo por indiká na bo si bo tin realmente derechi na reklamá i si ta algu ku
Fundashon pa Konsumidó
por intermediá entre
konsumidó i komersiante.
Fundashon pa Konsumidó lo
hasi su máksimo esfuerso pa
yega na un solushon
satisfaktorio pa bo. Dado kaso
esei no logra, lo por konsehá
bo pa kuminsá un kaso den
korte.
Tene na kuenta ku:
• No ta tur keho ta un kaso ku e
konsumidó tin òf por haña rason.
• No ta tur keho ku Fundashon risibí i
intermediá den dje ta logra yega na un
reakshon òf solushon di parti di e
komersiante.
• Hopi bia Fundashon ta intermediá den
kasonan i ta logra yega na solushon.
No semper esaki ta nifiká ku e
solushon ku a yega na dje ta esun di
mas satisfaktorio pa e konsumidó.
• Esakinan ta dependé di
sirkunstansianan di kada kaso
spesífiko i tin biaha hasta ta korte
mester bai pa e Konsumidó haña su
rason final.
• Si, abo konsumidó, no ta sigur ku bo
tin un keho, bo por semper aserká
Fundashon pa Konsumidó pa tuma
informashon i laga nos indiká bo kiko
ta adekuá pa hasi den e situashon
spesífiko.