Un di e delisianan hopi gustá durante di temporada di Pasku i fin di aña ta e famoso 'Pan de Jamón’. P'esei nos ta kompartí un reseta ku nos konsumidónan pa traha un delisioso 'Pan de Jamón’.
Ingrediente
½ kùp di awa lou
1 kuchara di ist (no baking powder)
3 ½ kùp di ariña di pan
1 bara di margarina sòft i 2 kuchara di manteka dirtí
1 webu
½ kùp di lechi
3 kuchara di suku
½ pa 1 telep salu
500 gram di ham kalakuna di slais fini òf karni vegetal
½ kùp rasenchi
½ kùp oleifi bèrdè
1 dòl di webu
Un tiki manteka dirtí
Preparashon
Basha e awa den un kòmchi di ‘Kitchenaid’ i
sprengu e yeast riba e awa i lag’é para un 5
minüt. Añadí e 1 kùp ariña di pan, margarina
i webu. Meskla nan usando mekser pa mansa pan. Pone e manteka dirti i 1 kùp mas di ariña di pan den e kòmchi. Pone tur e sobra ingrediente i mans’é bon. Ora e mansa ta kla e mester ta sauve, lombra i lizu. Tapa e mansa ku un plèstik òf sèrbètè muhá lag’é para reis pa e bira su dòbel. Ora e kaba di reis ta mans’é un tiki mas. Pone e mansa riba un planki ku un tiki ariña di pan riba dje. Kòrta e mansa den dos.
Plat e mansa pa e keda manera un firkant di
30 cm. (largura di un lineal). Hunta e mansa ku e manteka di dirti, pone e ham di kalakuna riba e mansa. Pone e rasenchi i oleifi bèrdè. Laga un rant sin pone nada riba dje. Lora e mansa pèrtá i ora yega final ta pone un tiki awa riba e rant pa ser’é. Pone e parti aki riba e forma pa e no habri den fòrnu. Meskla e dòl di webu ku 2 kuchara di suku i kuashi e mansa kuné. Laga e mansa reis un 30 minüt mas promé ku hink’é na
fòrnu. E fòrnu mester ta keinta na
350 grado i e ‘pan de jamon’ ta
keda entre 30 pa 45 minüt den fòrnu.
Lag’é fria un tiki promé ku kort'é.
Reseta kortesia di Sanatura Curacao
Vivian Allee
Cel: 671-3175
DELISIOSO ‘PAN DE JAMÓN’