Anunsio di oumento di tarifa
Aparte di lokual ta wòrdu menshoná aki, ta importante pa un konsumidó haña un aviso di e kompania na tempu kaminda ta indiká e oumento di preis, e pakiko di e oumento i e fecha ku e oumento aki lo drenta na vigor. E konsumidó na su turno mester por evaluá i wak asina kiko ta kumbiní, si e konsumidó no ta di akuerdo e mester aserká e kompania i indiká esei mas lihé posibel.
Terminashon di kontrakt
Si akaso bo tuma e desishon pa terminá bo kontrakt promé ku e fecha stipulá den e kondishon general, tin sierto aspektonan ku bo tin ku tene kuenta kuné. Por ehèmpel por ta asina ku den e kondishon general tin pone ku un yamada di telefon bisando “mi ta terminá mi kontrakt” no ta sufisiente. Esaki por nifiká ku meskos ku ora bo a sera e kontrakt bo a firma, bo mester manda algu por eskrito i firmá pa e kompania, indikando ku bo ke terminá e kontrakt entrante e fecha deseá. Pero atrobe tene kuenta ku lokual tin pone den e kondishon general. Por tin un término di tempu òf gastu adishonal mará na kanselashon di e kontrakt.