Promé bo kumpra,chèk
Un dieta balansá ta konsistí di kome mínimo 200 gram di berdura i 2 pida fruta pa dia. Ku un balansa di kuminda bo por midi kuantu un porshon di berdura òf fruta ta pisa fásilmente. Un berdura kurú ta pisa otro for di un berdura kushiná, pues paga tinu na e detaye ei. Ora ku bo ta pisa fruta òf berdura, tene na kuenta ku bo no por usa un kùp di midi pa midi peso di kuminda kompakto. Un kùp ta un artefakto pa midi peso di líkido i no pa midi peso di kuminda kompakto. Si bo usa un kùp di midi pa pisa kuminda kompakto, probablemente lo bo konsumí muchu mas di loke bo mester a kome.
Kantidat di kaloria
Ora ku ta kompará fruta i berdura, ta bon pa tene kuenta tambe ku e kantidat di kaloria ku bo ta inherí. Si bo kome dos bakoba, ta mesun kos ku bo kome dos mango? Kuantu stròbèri ta ekivalente na un apelsina? Den e artíkulo aki nos ta kompartí un lista di 40 fruta i berdura. E lista ta duna kuantu un porshon di fruta òf berdura ta pisa, kuantu kaloria nan ta kontené i tambe benefisio di kada un. Ku e lista aki nos ke yuda bo kome fruta i berdura konsiente. Kome fruta i berdura ta nesesario, pero e tipo i kantidat di fruta ku bo ta kome tambe ta hopi importante pa bo tene kuenta kuné. Pa salú ku fruta i berdura ta, si bo kome nan di un forma desordená òf deskontrolá, nan por hasi bo mas daño ku hasi bo bon.
FRUTA I BERDURA
Komparashon di peso i kaloria di fruta i bèrdura