KOMPARÁ I KUMPRA
Grapefruit òf otro tipo di frutanan di sitrùs ta parse un pechu di hende. Grapefruit ta yuda pa prevení kanser na pechu.
Awakati ta bon pa estado di salú i funshonamentu di matris i garganta di matris di un hende muhé. I manera bo ta mira, awakati tin mesun forma ku un matris. Awakati ta yuda hende muhé pa mantené su hormonanan den balanse, e ta evitá kresementu di beibi for di proporshon den matris. Tambe e ta adekuá pa prevení kanser na garganta di matris. Segun siensia ta dura presis 9 luna pa un awakati krese di un flor te ora ku e bira un fruta hechu.
Kòrta un shampiòn nèt meimei i lo bo ripará ku e tin paresido na un orea humano. Shampiòn ta konosí pa drecha oido di hende. Shampiòn ta un di e poko produktonan di alimentashon ku ta kontené Vitamina D. E vitamina aki ta importante pa wesunan saludabel, inkluso esnan chikí ku ta manda zonido na e sesunan.
Nos pulmonnan ta krea dor di diferente taki di pipanan di hala rosea ku ta kaba ku un kònòpi yamá, alveoli. E figuranan aki ta paresido na tròshi di drùif, nan ta transmití oksígeno di pulmon pa sanger. Un dieta riku na fruta, manera drùif, ta probá ku e ta minimalisá e rísiko pa haña kanser na pulmon. E pipita di drùif tin un stòf kímiko yamá proanthocyanidine, aparentemente e ta baha gravedat di asma okashoná dor di alergia.
Gèmber, ta parse stoma di hende. Un di e benefishinan di gèmber ta ku e ta yuda e proseso di digestion. Chinesnan tin añanan ta usa gèmber pa aliviá kimamentu i biramentu di stoma. Tambe gèmber ta un remedi popular pa malestar ora di biahe.
Un tomati kòrtá den forma vertikal tin paresido na un kurason humano. Tomati ta kontené un stòf ku yama Lycopene, esaki ta redusí rísiko pa haña problemanan ku kurason.