DEN CHIKí
saka mihó
Probecho di bo maleta
di bo maleta
BUK BO PASASHI KONSIENTE
Si bo ta buk un ticket via internèt, kòrda kontrolá tur informashon promé bo konfirmá bo reservashon. Un fout òf deskuido chikí, por ponebu pèrdè bo reservashon òf por kostabu tempu i sèn pa koregí esaki. Probechando di tíketnan den speshal?
Tene kuenta ku den mayoria kaso e ticket aki ta non-refundable, non-negotiable i non-transferable. Esakinan kier men ku si un kos pasabo i bo no por bula mas, bo ta pèrdè bo sèn.
• Informá i planeá bo fakansi ku tempu. Tene semper
tres regla básiko na mente: transportashon,
akomodashon i alimentashon.
• Kompará e servisio ku kompanianan ta duna. Sea
konsiente ku bon informashon ta bo mihó aliado pa
hasi bo eskoho na un manera inteligente.
• Hasi bo reservashon ku antisipashon. Speshalmente
e parti di transportashon (kua linea aéreo) i
hospedahe (kua hotèl); vooral den lunanan ku ta
mas drùk, ta importante pa bo reservá na tempu..
• Plania adelantá kuantu sèn bo tin pensa pa gasta
durante bo vakashon. Bo ta bai pa shòp of djis pa
konosé un pais nobo? Tene kuenta ku kada opshon
ta eksihí un otro presupuesto. Kòrda tene bo mes na
esaki.
• Bo no sa ki ora ta mihó ora pa biaha? Un vakashon
den “low season” semper ta sali bo mas bentahoso.
Normalmente e temporada ei ta mas ketu i bo por
haña mihó preisnan.
• Si bo ta biaha ku mucha, skohe adelantá
atrakshonnan ku ta kuadra ku nan edat. Un museo
na ta meskos ku un parke di atrakshon. Tene kuenta
ku nan deseonan tambe.
• Por último, promé ku bo disidí di reservá e vakashon
di bo soño, informábo tempran kua ta
dokumentunan nesesario pa bo por hasi bo biaha.
P.e. tin paisnan ku e biahero mester tin un visa,
otronan ta pidi papel di dòkter, tin pais ta eksihí un
pasaporte di algun luna bieu.
Planiando un bon fakansi pa abo i bo famia?
6 Tep pa un vakashon bon sigurá
Bon voyage!
DEN CHIKí
saka mihó
Probecho di bo maleta
di bo maleta
BUK BO PASASHI KONSIENTE
Si bo ta buk un ticket via internèt, kòrda kontrolá tur informashon promé bo konfirmá bo reservashon. Un fout òf deskuido chikí, por ponebu pèrdè bo reservashon òf por kostabu tempu i sèn pa koregí esaki. Probechando di tíketnan den speshal?
Tene kuenta ku den mayoria kaso e ticket aki ta non-refundable, non-negotiable i non-transferable. Esakinan kier men ku si un kos pasabo i bo no por bula mas, bo ta pèrdè bo sèn.
• Informá i planeá bo fakansi ku tempu. Tene semper
tres regla básiko na mente: transportashon,
akomodashon i alimentashon.
• Kompará e servisio ku kompanianan ta duna. Sea
konsiente ku bon informashon ta bo mihó aliado pa
hasi bo eskoho na un manera inteligente.
• Hasi bo reservashon ku antisipashon. Speshalmente
e parti di transportashon (kua linea aéreo) i
hospedahe (kua hotèl); vooral den lunanan ku ta
mas drùk, ta importante pa bo reservá na tempu..
• Plania adelantá kuantu sèn bo tin pensa pa gasta
durante bo vakashon. Bo ta bai pa shòp of djis pa
konosé un pais nobo? Tene kuenta ku kada opshon
ta eksihí un otro presupuesto. Kòrda tene bo mes na
esaki.
• Bo no sa ki ora ta mihó ora pa biaha? Un vakashon
den “low season” semper ta sali bo mas bentahoso.
Normalmente e temporada ei ta mas ketu i bo por
haña mihó preisnan.
• Si bo ta biaha ku mucha, skohe adelantá
atrakshonnan ku ta kuadra ku nan edat. Un museo
na ta meskos ku un parke di atrakshon. Tene kuenta
ku nan deseonan tambe.
• Por último, promé ku bo disidí di reservá e vakashon
di bo soño, informábo tempran kua ta
dokumentunan nesesario pa bo por hasi bo biaha.
P.e. tin paisnan ku e biahero mester tin un visa,
otronan ta pidi papel di dòkter, tin pais ta eksihí un
pasaporte di algun luna bieu.
Planiando un bon fakansi pa abo i bo famia?
6 Tep pa un vakashon bon sigurá
Bon voyage!
No wak bo bisiña!
Un konosido lokutor lokal a yega di bisa “Nos gusta gasta sèn ku nos no tin, pa kumpra kos ku nos no mester, djis pa impreshoná e bisiña ku di baina sa ku nos tei”.
No gasta plaka djis pa impreshoná otro hende, por ehèmpel dor di traha kas grandi, kumpra un outo luhoso, bisti pañanan di marka, djis pa nan mira ku bo tambe por. Kambia e mentalidat aki i lo bo ripará ku lo bo biba muchu mas felis. Tene kuenta ku plaka no ta kumpra amor òf rèspèt. No hasi manera bo tin hopi plaka kaminda esaki no ta bèrdat. Bo mes ta hinka bo mes den problema asina.
Kòrda riba proverbio “No sende lus na kaya i bo kas mes ta suku!”
Vigilá bo sèn
Kiko ta bo entradanan? Bo tin debe? Unda bo sèn ta bai? Dor di traha un presupuesto (un lista di bo entrada- i bo gastunan) lo bo por tin un bista unda bo sèn ta bai òf unda bo tin espasio pa ekonomisá i spar. Ku un presupuesto mensual, lo bo por ripará mesora tambe kua ta e lunanan di bonansa i kua ta esnan di “baka flaku”.
Komo niun luna ta igual, ta konsehabel pa traha un presupuesto promedio, ya ku e ta duna bo un bon bista kon bo gastunan regular ta kore pa luna. Pues bo ta konta un promedio di kuantu sèn bo ta gasta pa luna, por ehèmpel 500 florin na kuminda i 350 florin na awa ku koriente. Semper konsultá bo estado di kuenta bankario (statement) pa bo tin un bista unda bo por adaptá e presupuesto òf bo mester baha man un poko. Warda tur bon i mantené un atministrashon al dia. Esensial tambe ta pa mira sparmentu komo un gastu, pues presupuestá esaki tambe.