Pampuna ta hopi bon pa salú. E ta kontené hopi vitamina A (betacaroteen), kalsio, potasio, heru, vitamina B i C i ta riku na fibra nutritivo. Algun benefisio i motibu dikon pampuna ta saludabel.
Bon funshonamentu di tripa
Pampuna ta riku na fibra, kual naturalmente ta di gran importansia pa un bon funshonamentu di tripa. Alimento saludabel i riku na fibra manera berdura i fruta sigur ta base di un baiment’i af regular i un bon funshonamentu di tripa. Un kòpi pampuna tin tres gram di fibra i p’esei pampuna ta saludabel.
Redusí Kolesteròl i glukosa
Pampuna ta kontené pactine ku ta yuda tambe ku pèrdèmentu di peso dor di redusí e nivel di kolesteròl i e nivel di glukosa den bo kurpa. For di investigashonnan a resultá ku e komementu di pampuna evidentemente ta yuda hende ku sobrepeso baha di peso.
Korekshon di bista
E kolo oraño di pampuna ta kontené nivel haltu di betacaroteen. Betacaroteen ta un
prekursor di vitamina A, kual ta di nesesidat pa un bista saludabel.
Pampuna saludabel i bon kontra kanser
Komementu di pampuna por redusí e rísiko pa haña kanser. E karakterístikanan
aki ku pampuna tin, ta di gradisí na e fenomenal supstansia oraño yamá
betacaroteen. Dietnan ku ta inkluí betacaroteen ta redusí e rísiko di
sierto kansernan manera kanser na pechu, prostat, pulmon, kólòn i kueru.
Verkout i grip
Pampuna ta un fuente ekstraordinario i riku na vitamina C. E vitamina C
ta perkurá pa korekshon di e sistema di imün. Komementu di pampuna
ta yuda bon pa ferkout i grep. Un kòpi di pampuna herebé ta kontené
11mg vitamina C, i esaki ta hasi pampuna saludabel i dushi.
Pampuna i bo sistema imün
Betacaroteen den pampuna ta yuda tambe bo
sistema imün. For di un estudio a resultá ku betacaroteen ta redusí
signifikativamente e rísiko di infèksi serka patènt nan ku HIV.
Pampuna kontra bichi i parasit di tripa
Un otro aplikashon di e balioso ta e uso di simia den e lucha
kontra di bichi i parasit. E parasitnan aki por kousa keho di tripa.
Kuidou, hende tin parasit di tripa sin ku nan ta na altura di esaki.
Kueru saludabel
Pampuna ta yuda e kueru rekuperá i ta ofresé en protekshon natural
kontra solo. Tambe por hasi pa un marka/sikatris bira vago
Pampuna saludabel i riku na heru
Ku pampuna ta salu, esaki mester ta aklará. Pampuna ta un fuente
ekstraordinario riku na heru, Ku naturalmente ta di importansia
fundamental pa e produkshon di glubulo (sel di sanger).
Pampuna ta salú