Di un análisis di e organisashon Consumer Report nos ta resumí e promé impreshonnan di e dos modèlnan:
Un pantaya mas skerpi
E telefon nobo Galaxy nan aki a mantené e amplio grandura di skrin (5.1 inch). E resolushon di pantaya a oumentá signifikantemente di 1080x1920 (432ppp) pa 2560x1440 (557ppp). naturalmente, loke nos a bisa anteriormente ta ekstremadamente difísil pa e wowo keda sin opservá e mehoramentu aki den su uso diariamente. E kurva nan di e pantaya ‘edges’ di e Galaxy S6 Edge mas sèksi ta ménos yamativo y ménos funshonal ku esun di su primu Galaxy Note Edge. Por ehèmpel, e pantaya Edge riba e Note Edge por aktua tambe komo pènel di kòntròl miéntras bo ta wak un video òf skucha músika. Esun di e Galaxy 6 Edge si no por. E pantaya kurva di Galaxy S6 Edge ta mas “fashion” ku e ta funshonal.
Kámara Refiná
Kámara di e telefon selular Samsung ya ta entre e mihónan den e tipo di negoshi aki, ta parse ku e distinshon aki lo keda salbá ku e Galaxy S6. E kámara prinsipal parti patras a mantené su resolushon 16MP i aspekto di resolushon Ultra HD di graba video, pero a añadí un stabilisadó di imágen ku mester mehorá kalidat di imágen den kaso ku tin insufisiente lus òf na momentu ku ta difísil mantené e kámara fiho. Ingenieronan di Samsung ta bisa ku e sènsòr (IR sensor) parti patras di e monitòr di S6 ta manera un ritmo kardiako, i lo wòrdu uzá pa drecha e kalidat di e imágen. E kámara di S6 lo hasi uzo tambe di e IR sensòr su abilidat pa identifiká e tipo di lus den e esena pa asina ahustá e balanse di blanku óptimo pa kolonan mas presis.
Afortunadamente, Samsung a ordená i simplifiká kòntròl di e kámara permitiendo ku bo ta optené un ahuste básiko fásil. Den nòmber di mihó sèlfi, Samsung a hisa e resuloshon di e kámara parti dilanti di 2.1MP pa 5 MP, i a hancha e lèns un tiki di f/2.32 pa f/1.9. E efekto nobo di sèlfi, yamá Virtual Shot, ta lagabo saka un sèlfie panorámiko. Imaginá na momentu ku bo ta sakando un sèlfi e fondo ta kambia i ta bira poko poko. Despues bo por haña e background ta move ora bo move e telefon. E efekto aki ta fushona solamente riba e telefon ku a saka e potrèt. Pero por e-mail of di otro manera kompartié ku otronan den forma di un movie.
Bateria
Durashon indiká di e bateria di e Samsung nobo aki ta un poko mas ménos ku e modèl di aña pasá, kual ta perhudiká su funshonamentu. I manera ya menshoná, e ta inahustabel . Asina lo bo pèrdè e bentaha di e Samsung anterior di ta kapas di mantené un bateria ful (reserva) den kaso ku e original baha ora bo ta riba kaya, of ora e bateria original baha kompletamente.
Pero no mester wòri, Samsung a primintí di mas pronto posibel bin ku un kargadó di un stándart adapter USB 2.0. E kompania ta bisa 10 minüt di karga di un bateria kasi morto ta dunabo 4 ora di kombersashon. Un otro bentaha; Samsung aki ta apoya tur dos QI i PMA karga wireless modifiká. Punto di karga wireless tin tur kaminda awendia. I ta bon pa sa ku e S6 ta práktikamente garantisá di ta traha ku kualke un di nan. Samsung ta bisa ku ta tuma mas o ménos 3 ora pa un bateria kasi morto karga kompletamente na momentu ku bo pone e telefon sosegá kargando. Otro mehorashon ta inkluí spiker mas potente i un prestashon lihé di e telefon, danki na Samsung su Exynos 64-Bit processor.
Samsung galaxy S6
vs
Samsung galaxy S6 Edge:
Loke bo mester sa!