Kon un LCD- LED-TV ta funshoná?
E uliminashon Led ta lusa e pantaya Lcd ku ta su dilanti pone di patras. E Lcdnan ta krea e imágennan di e programa òf pelíkula, pero nan mes no ta duna lus. For di tèstnan a resultá ku kalidat di imáhen di un LCD-LED-TV no ta mas mihó pa definishon ku esun di otro tipo di televishon. Prosesamentu di e imágen i e posibilidatnan tékniko di e pantaya ta mas importante pa determiná e reprodukshon di kolo, kalidat, i kontraste.
Dikon un LCD-LED-TV?
LCD-LED-TV ta mas plat ku otro modèlnan di televishon ya ku e lus led ta tuma ménos lugá den e aparato. LCD-LED-TV ta mas ekonómiko. For di investigashonnan hasí a resultá ku e konsumo di energia ta notablemente ménos kompará ku televishonnan lcd regular. Den tèstnan hasi pa Consumentenbond e televishonnan mas ekonómiko tur tabata LCD-LED-TV.
Sorto di LCD-LED-TV
Serka un EDGE-LED-TV e lampinan led ta pegá solamente den e rant nan di e pantaya. Ta p’esei e pantaya ta mayoria bes hopi plat.
Serka un full-led òf DIRECT-LED-TV, e lednan ta wòrdu usa komo un pènel di iluminashon den fondo, kaminda e lednan ta situá dirèkt patras di e pantaya di LCD. E bentaha ta ku e lus ta wòrdu parti igual rònt e pantaya. Esaki por duna un mihó kalidat di imágen. Ademas e lampinan led por wòrdu manehá den diferente grupo. Asina bo por iluminá diferente parti di e pantaya mas ku e otro. Kaminda e pantaya mester ta mas skur e lednan por bria ménos intenso.
Distansia ideal pa wak TV
E promé i mas importante desishon ku bo tin ku tuma na momentu di kompra di un televishon ta e grandura di pantaya. Pa bo por determiná un distansia ideal pa sinta wak televishon, Consumentenbond a hasi investigashonnan na aña 2007 i na 2012 pa determiná e grandura di televishon i distansha pa wak ideal. Loke a resaltá for di e investigashon último ta ku kasi nada no a kambia despues di 5 aña pa ku e distansia ideal. Mayoria persona ku a partisipá den e investigashon ta haña ku un distansia di 3 meter ta mas konfortabel.
Diagonal Distansia
di Pantaya ideal pa mira
32 inch ( 81 cm) 2,5 meter
40 inch (102 cm) 3,1 meter
46 inch (117 cm) 3,5 meter
55 inch (140 cm) 4,2 meter
Na aña 2009 e promé televishon Lcd-Led aparesé riba merkado. E tempu ei solamente televishonnan karu tabata tin un led iluminativo patras. Entretantu tur fabrikante ta ofresé Lcd-led-tv di klase medio. Esaki nos por mira bek na e tèstnan ku Consumentenbond di Hulanda i Consumer Report a hasi ku Lcd-led-tvnan: mas o ménos un mitar di e televishon nan ku a wòrdu di tèst tin lus LED.
Led Lcd TV
Schermdiagonaal
32 inch (81 cm)
40 inch (102 cm)
46 inch (117 cm)
55 inch (140 cm)
Diagonal Distansia
di Pantaya ideal pa mira
32 inch ( 81 cm) 2,5 meter
40 inch (102 cm) 3,1 meter
46 inch (117 cm) 3,5 meter
55 inch (140 cm) 4,2 meter