https://youtu.be/Gr501ilhg64
Huma di sensia, i di hopi zeta aromátiko, ta resultado di kimamentu di supstansianan di produktonan derivá. Bo salu lo nota esaki ora ku e konserbashon di huma subi sierto nivel. Di tur lokual ku e huma di sensia ta kontené, e 3 siguiente supstansianan ta desagradabel i peligroso:
Bènzòl ta tóksiko potensialmente kanseroso.
Huma di sigaria ta kontené 60 mikrogram di bènzòl pa meter kúbiko pero tin blòki di sensia ku ta produsí mas di 490 mikrogram di bènzòl pa meter kúbiko, ku ta ocho biaha mas tantu ku un sigaria.
Partíkulanan fini ku bo inhalá lo keda biba den bo pulmonnan. Esaki por kousa problema ku halamentu di rosea. Na un sitio kaminda no ta huma e konsentrashon di partíkulanan fini pa kúbiko meter apénas ta yega 30 mikrogram. Den un bar yen di humadó e nivel ta surpasá 180 mikrogram. Riba merkado tin hopi tipo di sensia ku ta produsí mas di 3.000 mikrogram pa kúbiko meter.
Formaldehído ta un tóksiko potensialmente kanseroso, derivá di alkohòl metíliko. E límite ideal di konsentrashon den huma ta 10 mikrogram pa kúbiko meter. Tin zetanan aromátiko ku ta surpasá 200 mikrogram pa kúbiko meter.
Sensia i zeta aromátiko no ta purifiká ambiente. Loke nan ta hasi ta disimulá otro holónan ku un huma diki ku por hasi bo daño. Ta p’esei konseho di OCU ta pa no abusá di e aromátikonan di e tipo aki. No bira un persona ku ta sende sensia tur dia sin sa loke bo ta guli.
Sensia
ta daña ambiente
Usa sensia pa kore ku huma di tabako ta manera paga kandela ku zeta. Un mal ambiente lo ta garantisá. E análisis di Organización de Consumidores y Usuarios (OCU) ta mustra klaramente ku un kas den kua tur dia un sensia ta wòrdu pegá, ta resultá mesun tóksiko ku un kas di un persona ku ta huma regularmente. I ademas ora bo ta huma plùs bo ta sensia na mesun momento, e or’ei bo ta bezig ta halando petrolio aden.