Konsumo di avena machiká ta wòrdu promové i apoyá pa entre otro dokter Kris Verburg (outor di e buki “De Voedselzandloper”), ku ta demostrá ku komementu di pan no ta saludabel i ta preferibel pa kome papa di avena. Papa di avena pa dos motibu ta mas saludabel ku pan.
Na promé lugá, i mas importante ku tur kos, avena no ta kontené salu miéntras un sèntwich ta kontené mei gram di salu (huntu ku e belèg di karni òf keshi sigur e ta dòbel). Esaki ta hopi, mirandio ku 6 gram di salu ta e máksimo ku bo por konsumí pa dia.
Na di dos lugá e fibra di avena (betaglucanen) ta redusí kolesteròl si bo konsumí sufisiente. Manera esaki ta wòrdu yamá fibra soluble ku tin e trabou di mantené hopi vògt i tambe mara un tiki di e kolesteròl. Tuma nota: pa un efekto benefisioso di kolesteròl bo mester di 3 gram betaglucan pa dia. Pues esaki ta nifiká sigui kome papa: un tayo di papa di 40 gram avena ta duna bo 1.6 gram di betaglucanen.
Pa un bon efekto di kolesteròl bo mester kome hopi papa
E ponensia di redukshon di kolesteròl ta keda menshoná mayoria bes riba etikètnan di vários sorto di papa den supermerkado. Meskos tambe e anekso’ fuente di fibra.’ Tin diferente variedat na benta: papa di avena ta keda inkorporá tambe den meskla di muesli òf ku smak di kané.. Banda di 81% di avena, papa ta kontené suku i aromanan natural. Hopi mas dushi i barata si por ehèmpel bo mes pone fruta fresku òf fruta seku, un tiki honing i un tiki kané den e papa di avena. Paso e papa di avena riba su mes no tin masha smak.
Gròf i Fini
Avena ta bini na tur tipo i tamaño. Ta dependé di e grandura di e granito di avena kuantu ta dura pa e kushí. Mas grandi e granito, mas tantu ta dura pa kushí. Granitonan diki mester kushiná un kuartu di ora. En kambio granito di avena fini instantáneo ta kla despues di un par di minüt. Fabrikantenan ta disidí kon gròf of fini nan avena lo bira.
Avena ta bira papa di avena segun un proseso fiho. Promé ta eliminá e vlis no komibel for di e pipita di e avena. Esaki no ta wòrdu digerí. Despues ta kòrta e avena gròf na pida. Seguidamente e papa di avena ta haña un tratamentu kayente pa evitá ku e ta bira rans. Promé nos ta pone awa aserka, pa e no produsí hariña, pero e mester keda plushi bunita. Por último nos ta machiká e plushinan. Otro fabrikantenan ta stom e avena na lugá di keinta.
Kayente òf Friu
Riba internèt hopi amante di papa di avena ta reklamá ku e elaborashon di avena den papa di avena ta laga tur e karakterístika saludabel bai pèrdí. Esaki ta kuadra?
Di tur manera no tin niun investigashon ku ta konfirmá e reklamo aki. Betaglucanen ta resistente kontra kayente i avena ta kontené hopi vitamina B ku konsekuentemente e ta keda mantené e heru. Ta mas saludabel pa pone papa di avena den yògert friu en bes di kushin’é? No, un eksperto di nutrishon Louis van Nieuwland di Consumentenbond di Hulanda ta bisa: "Dor di kushina e papa di avena e ta digerí fásilmente,pues esaki ta gana preferensia riba yògert friu. Pero kada ken ku su gustu".
Nutrishon di avena
Protein 6 g
Vitamina A
Calsio
Heru
Vitamina B-6
Magnesium
Papa ta "Hot"
Papa di avena ta “hot”. Avena machiká ta riku na fibra di digestion lento ku ta kontribuí pa un kolesteròl abou. No ta milager ku reki di avena dia pa dia ta bira mas grandi den supermerkadonan. No muchu tempu pasa papa di avena tabata un desayuno antikuá. Pero papa di avena a avansá rápidamente i bira un “superfood” nutrishon saludabel.