kima
DEN CHIKÍ
Hinka un tiki mas aktividat físiko den bo oranan di trabou
Ser “doño“ den bo kushina, bon mirá, ta un trabou di tempu kompletu. Bo mester kumpra e alimentonan i warda nan bon. Despues kushiná esakinan i wak kon bo ta hasi pa loke tin, yega pa tur hende. Den mes rosea bo mester sa tambe kon pa kuida pa loke ta di mas, no bai pèrdí.
Pa yuda den e delaster fase ei, nos tin algun triki fásil i útil ku lo yudabo saka mihó probecho di bo alimentunan i mesora redusí e kantidat di produktonan ku bo ta tira afó pasobra no a usa esakinan na tempu.
Konofló i siboyo, warda nan den saku “maron”.
Konofló i siboyo no mester wòrdu wardá den frishidèr. Mihó manera ta pa warda nan sea den saku di papel òf den korant pa mantené nan fresku. Kòrda bora algun buraku den e saku pa nan hala rosea.
Mantené apel i batata huntu
Probablemente bo a nota ku si bo sigui warda batata mas ku un dia òf dos, nan ta kuminsá haña poko kònòpi òf bulto. Pa evitá esaki, konservá apel i bo batata huntu (for di frishidèr). Apel ta saka un gas ku yama etileno, ku ta evitá ku e batatanan lo daña.
Warda tomati kabes abou
Si bo ta deseá di konservá bo tomatinan fresku i evitá ku nan ta putri, warda esakinan boka abou, ku e stengel parti abou. Esaki ta evitá ku aire i humedat ta drenta den garganta dje tomati loke ta yuda ku bo tomatinan lo keda fresku mas tantu tempu.
Hecha fruta i berdura, usando papel di korant
Si bo tin fruta òf berdura ku ainda ta poko “bèrdè”, i bo kier pa nan hecha mas lihé, djis lora nan den un papel di korant òf warda nan den un sak’i papel. Di e manera aki e gas ku e fruta òf berdura ta produsí, no ta bai pèrdí, i e konsentrashon di e gas aki ta permití ku e produktonan aki ta hecha mas lihé.
Lora sèlder i bròkòli den papel di fòil
Si bo ta usa berduranan manera sèlder òf bròkòli tur dia, i bo no ta sigur kon pa warda nan sin nan daña, purba e truko fásil aki. Warda nan den frishidèr lorá den papel aluminio (foil) i nan lo keda fresku te asta pa un luna.
Tepnan fásil pa:
saka mihÓ probecho di bo alimentu