Promé bo kumpra,chèk
Kon pa skohE fruta
Bo a yega di kumpra fruta pa ora bo yega kas notá ku e ta putrí òf daña? No ta un sensashon agradabel pa dal un hap den un apel putrí òf kòrta un patia i konstatá ku e ta tur moli. Den e artíkulo aki nos ta bai dunabo puntonan pa bo por chèk si bo fruta ta bon promé bo kumpr’é.
1. Kumpra fruta den su temporada. Hopi fruta tin temporada
di aña ku e ta keda kultivá. Fruta kumprá pafó di su
temporada hopi biaha a keda wardá pa un tempu largu òf
a keda di vris. Esaki ta pone ku e por pèrdè smak i hopi
biaha tambe e ta mas karu.
2. Uza bo sentidonan pa skohe fruta den supermerkado.
Hole, mishi i wak e fruta ta importante pa determiná si
e ta hecho i delisioso òf marga, bèrdè òf bieu.
3. Chèk (den kaso ku e fruta tin) e stelchi di e fruta. E
stelchi ta e último konekshon entre e fruta i e mata
na momento ku esaki a keda pikí. Fruta hechu ku
stelchi bèrdè ta bingo! Stelchi bèrdè i fruta duru ta
nifiká ku a piki e fruta muchu tempran i lo bira fofo
ora e hecha. Stelchi marchitá ta nifiká ku e fruta e
keda pikí hopi tempu pasá i lo no tin ni smak ni
tekstura di fruta fresku.
4. Buska e fruta ku bo ke te ora bo hañ’é. Frutanan ménos
popular no semper ta optenibel na e momento ku abo
ta hasi kompra.