Bròkoli ta un berdura ku mayoria hende sa ku ta saludabel. Tòg nos no ta kome esaki tur ora. Un punto esensial ta e preis di e berdura aki ku ta varia hopi i tin biaha sa ta hopi karu. Esaki no ta kita si ku bròkoli ta un di e berduranan mas saludabel na mundu.
E luna aki nos ta trese e berdura aki den nos Konsumidó Alertá pa konsientisábo ku mester kome e berdura aki ku mas regularidat. E ta hopi saludabel i sigur den un bon reseta e ta hopi delisioso. E berdura aki ta optenibel henter aña den nos supermerkadonan.
Bròkoli ta kontené un balor di alimentashon hopi haltu e tin un kalidat ekselente di proteina. E ta un di e poko berduranan na mundu ku un profil di amino-ásido ku ta aparesé kasi kompletu den e berdura aki. Tambe tin tur mineral i kasi tur vitamina den broccoli manera;
Vitamina A
Vitamina C
Kalsio
Heru
Vitamina B-6
Magnesiùm
Un mihó manera pa konservá tur e vitaminanan aki ta pa stom, na lugá di herebé bròkoli. E berdura aki ta bon den kombinashon ku un bon pida piska.
E BENEFISIONAN DI
BRÒKOLI