INTERMEDIO
Konsumidónan i e eskoho di konsumidónan ta esensial pa resolvé e problema aki. Disponibilidat i aksesibilidat na kuminda no saludabel, preisnan riba merkado, práktikanan di merkadeo di kompanianan multinashonal i falta di informashon na e konsumidó, ta hasi mas i mas difísil pa e por hasi un eskoho saludabel. Apesar di un konsenso internashonal tokante faktornan ku ta kousa di subida di kasonan di obesitas i malesanan relashoná ku komementu, gobièrnu i industria di kuminda no ta reakshonando sufisientemente lihé.
Fundashon pa Konsumidó e aña aki lo bolbe uni ku Consumers International (CI ) pa selebrá WCRD 2015 i pone atenshon na e tema di e aña aki ku ta “Kome Salu”. Riba 15 di mart 2015 Fundashon pa Konsumidó lo organisá un feria den Alameda rondó di e tema “Kome Salú”.
Tambe Fundashon pa Konsumidó lo bini ku rekomendashonnan i proposishonnan konkreto pa gobièrnu ku lo inkluí restrikshonnan riba merkadeo di “junk food”, mihó informashon nutrishonal di kuminda pa konsumidó i redukshon di nivel di salu i suku den kuminda.
Keda pendiente pa nos siguiente edishon di Konsumidó Alertá pa mas detaye di e programa di Fundashon pa Konsumidó pa Dia Internashonal di Derechinan di Konsumidó 2015.
Kome salÚ