Konsumidó Alertá Volumen 12, novèmber-dezèmber 2014 | Page 19

BO SALÚ

Fihá pa bo mes:

• kua ta e momentunan mas difísil

• kua ta e tres sigarianan mas importante

• ku kua di e sigarianan bo ta stòp promé

• kua ta bira último sigaria

Periodonan difísil semper ta presentá. Premeditá kon bo ta bai dil i kua persona por yudabo den e proseso aki. Stòp di huma ta un prestashon. Pensa adelantá un rekompensa pa si bo lográ.

Guia profeshonal

Personanan ku ta haña guia profeshonal, tin mas chèns di tin éksito. Esaki ta basa riba investigashonnan ku a wòrdu hasi.

Remplasonan pa nikotina

Remplasonan pa nikotina ta baha e gana di huma. Tin pleister, bals i tablèt. For di e pleister, un kantidat di nikotina ta wòrdu kita durante dia. Tin diferente dosis di pleister, un mas fuerte ku otro. Asina e ta posibel pa redusí gradualmente e humamentu di nikotina.

Si bo uza tablèt òf bals e nikotina ta drenta via di bo flishi di sleim den boka (mondslijmvlies). Esakinan tambe tin diferente dosis. Tablèt òf bals ta wòrdu uzá ora e persona haña gana di huma sigaria. Tiki tiki e tablèt òf bals ta kita e gana di huma.

Bentaha di un remplaso di nikotina:

• e ta kita e gana di huma i nan no ta

hasi bo adikto na nan.

• e ta kita e kustumber di hinka sigaria

den boka.

• e ta redusí e adikshon gradualmente.

E desbentahanan:

• bo ta haña nikotina tòg den bo kurpa

• nan ta trese efekto sekundario manera

iritashon di kueru òf bo no por drumi

bon anochi.

Remplasonan di nikotina ta bon pa hendenan ku ta huma mas ku 10 sigaria pa dia.

Importante! Si bo ta pashènt di kurason òf ta sufri di un enfermedat vaskular, konsulta ku bo dòkter di kas òf kardiólogo promé ku bo hasi uso di e remplasonan pa nikotina.

Remedinan

Ta posibel pa haña remedi via bo dòkter di kas pa stòp e adikshon di humamentu? Tin medionan pa kita e gana di nikotina. E efektonan sekundario ta parse e síntomanan di detoksikashon i nan por ta duru den e promé siman. Mayoria biaha e síntomanan ta doló di kabes, marea i falta di soño.

Pa mas informashon wak e video informativo aki di Fundashon Maneho di Adikshon