Konsumidó Alertá Volumen 12, novèmber-dezèmber 2014 | Page 18

BO SALÚ

stÒp di huma

Humamentu ta hisa e rísiko ku problema di kurason i enfermedat vaskular i otro malesanan. Di tur humadó, unu riba dos ta muri na konsekuensia di humamentu.

Mas bo huma i mas tempu largu bo huma, ta mas haltu e rísiko ta. Tin personanan ku a kuminsá huma for di nan 20 aña te ku nan 80 aña i nunka no a haña nada, pero eseinan no tin hopi.

Supstansha den tabako ta dañino pa e kurason i e ardunan:

• Nikotina ta hansha e kurpa, ta aselerá

batimentu di kurason, ardunan ta bira smal i

bo preshon ta subi.

• Bo ta bai sinti falta di oksígeno.

• Diferente partinan di tabako ta hasi daño na

flishi di ader i ta laga e sanger koha masha

lihé.

Tur e efektonan aki ta hasi e rísiko mas haltu pa un atake di kurason, atake serebral òf kontrishon den bo adernan di pia. Tambe hende ku no ta huma, i tá den presensia di huma di sigaria ta hisa e rísiko pa un malesa di kurason i enfermedat vaskular.

Dikon stòp di huma?

Stòp di huma semper tin sentido. Despues ku stòp ku e humamentu e rísiko di enfermedatnan di kurason i vaskular ta baha masha lihé. Un aña despues ku bo stòp ku humamentu e rísiko ta baha ku 50%. I despues di 15 aña bo tin mes un rísiko ku un hende ku nunka a huma.

Despues ku stòp di huma:

• bo ta tosa ménos

• bo ta hole i smak mihó

• bo tin mihó kondishon

• Bo ta haña mihó aliento i rònt di bo no tin

molèster mas di e huma

• Bo ta sobra mas tantu sèn den bo saku

Kon por stop di huma?

Stòp di huma ta difísil. Pero tur aña 100 mil persona tòg ta logra pa stòp. E método ideal pa stòp no ta eksistí. Ta importante pa skohé e método ku ta pas bon kubo, pone bo metanan bon kla i traha bo plan.

Traha plan

Tin algun hende ta stòp ku humamentu di un dia pa otro i ta mantené esaki. Konsekuentemente bo no tin mester di un plan. Otronan mester di un plan pa sigui den un periodo stipulá pa kita for di e humamentu. Huma ménos ta un solushon temporal. E meta prinsipal ta pa stòp pa semper i kompletamente ku e humamentu. Fiha un fecha pa stòp di huma i kompartí esaki ku bo pareha, kolega-, amigunan i famia.