kima
pregunta di luna
sabi
DEN CHIKÍ
Hinka un tiki mas aktividat físiko den bo oranan di trabou
Kuantu biaha nos no ta kumpra webu, warda esaki den frishidèr i lubidá riba esakinan? I e dia ku nos kier us’é, nos ta duda awor si ainda e ta fresku òf e la daña kaba.. Ban pa bolbe sali kumpra nobo atrobe..
Aki nos ta duna 3 teps fásil i simpel pa verifiká ki ora un webu ta fresku:
Tèst un webu dor di kibra esaki riba un superfisie ku ta lizu I plat. Si e webu ta fresku, e dòl di e webu lo ta para riba su kurpa i e blanku dje webu lo ta konsentrá rònt di e dòl di e webu
Pone un webu den un glas òf beker ku awa ku salu òf awa friu. Si e webu bai para den fondo, ta señal ku esaki ta unu fresku.
Ora kushiná un webu, p.e. estilo “webu di baka” chèk su konsistensha. Si e dòl dje webu keda meimei di e blanku dje webu, esei ta señal ku ta un webu fresku. Mas leu e dòl ta for di e sentro di e webu, ménos fresku esaki ta..!
No ta importá kon grandi òf chikí e montante ta, ni ta importante kiko e trabou, servisio òf produkto ta. Bo faktura ta bo komprobante ku bo a laga un kompania òf instansha hasi un trabou pa bo òf bo a kumpra un produkto òf servisio serka nan. Ku bo faktura bo por reklamá despues, si a kaso bo no ta satisfecho ku e produkto òf servisio ku bo a risibí. Niun kompania ta aseptá un reklamo sin un faktura.
Un bon faktura mester indiká: Nòmber di e establesimentu, direkshon, number di telefon i number di CRIB. Riba un faktura korekto bo mester por mira eksaktamente ta kua produkto òf artíkulo bo a kumpra, e preis total i tambe den kua kategoria di impuesto (OB) esaki ta kai. Tin establesimentu ta asta indiká riba e faktura kuantu sèn bo a paga total na OB, pero esaki ta opshonal.
Si ta artíkulonan elektróniko, eléktriko òf artíkulonan di mas balor bo a kumpra, e kompania bendedó mester por indiká riba bo faktura tambe e tèrmino di garantia.
Pues tene kuenta, pa tur sèn ku bo saka…pidi un resibu..!
kumpra sabÍ
BO FAKTURA, PIDIÉ, TUM'É I WARD'É BON!