BO SALÚ
Efermedat di
Alzheimer ta un di e problemanan di salú ku ta di mas preokupashon den nos pais. No solamente e ta afektá bida di e persona ku e malesa, kousando ku su kapasidatnan kognitivo poko poko ta bira ménos, pero tambe e ta afektá bida di personanan ku ta kuida e persona ku e malesa. Nan tambe mester di yudansa i protekshon.
21 di sèptèmber, Dia di Alzheimer
Dia 21 di sèptèmber ta selebrá dia Internashonal di Alzheimer, un bon momentu pa ta mas sensibel na e parti di poblashon ku ta sufri di e enfermedat aki, di kua su magnitut no semper ta konosí. Di parti di Fundashon pa Konsumidó nos ke ekstendé personanan enkargá ku kuido di personanan ku Alzheimer palabrana di apoyo den e kaminda difísil aki ku ta enserá kuida un ser kerí ku ta sufri di demensia.
For di sifranan ta kalkulá na Spaña, 7% di habitantenan di mas ku 65 aña, ta wòrdu afektá dor di Alzheimer; un total di mas o ménos mei mion di persona. Esaki ta generá un gastu ekonómiko i sosial konsiderabel, ku lo sigui krese den futuro ya ku personanan ta alkansando edatnan mas haltu.
Alzheimer, e doló paso e hende no tei
Demensia en general i spesialmente e enfermedat di Alzheimer, awendia ta forma un di e problemanan di salú ku ta trese mas tantu preokupashon.
No ta pòrnada: e eksperensha di mira un persona ku ta kuminsá pèrdè su kapasidatnan intelektual den un forma progresivo, te na e punto ku e no tin e kapasidat mas pa rekonosé ni su sernan di mas kerí, sigur ta pone hende spanta.
Den e enfermedat di Alzheimer e sélulanan di nèrvio ta kuminsá degenerá i muri di un forma spontanio. Promé e sélulanan di nervio di un sierto zona den e selebre ta haña daño, despues e sobrá di e selebre.
Ounke ku e proseso no ta mesun kos den tur e personanan ku ta sufri di e malesa, globalmente nos por mira un evolushon similar den mayoria di e kasonan. E personanan aki ta pasa den 3 fase grandi: leve, moderá i avansá.