BANKAROTA
!
INKLUÍ
OB
TUR PREIS MESTER
Fundashon pa Konsumidó a tuma nota di e anunsio di Inspektor di Impuesto kaminda ta stipulá, konforme e adaptashon di lei di impuesto ta dikta, ku entrante 1 di òktober 2013 tur komersiante tin e obligashon di publiká e asina yamá preis di konsumidó, esaki ta e preis inkluso impuesto riba benta, di produkto i servisio.
E obligashon aki ta konta pa tur negoshi ku ta bende un produkto òf servisio, sea ta un pakus, tienda, supermerkado, mini market òf otro kompanianan ku ta bende servisio manera un abogado, notario òf servisionan di telefòn òf internèt. Pa por sigui e desaroyo di preisnan di produkto i servisio Inspektor di Impuesto ta rekomendá pa durante e periodo di 1 di òktober 2013 pa 1 di yanüari 2014 tur komersiante publiká un anunsio di preis dòbel. Esaki ta nifiká publikashon di e preis inkluso i ekskluso impuesto riba benta. E komersiante mes ta liber pa duna mas detaye di e obligashon riba anunsio di preis dòbel. En todo kaso, na momentu ku e konsumidó pidi pa esaki, e mester por haña akseso na e desaroyo di e preis.
Fundashon pa Konsumidó ta aploudí e implementashon aki ya asina por kaba ku e diskushonnan na kaha ku hopi di nos konsumidónan ta pasa den dje kaminda komersiantenan ta kobra O.B. (di mas) riba produkto- òf servisionan ku sea ta eksonerá di impuesto di benta òf ta kai bou di un tarifa redusí.
Entrante 1 di òktober 2013 e obligashonnan ku un resibu di kaha mester kumpli kuné tambe lo keda adaptá.
E siguiente puntonan ta obligatorio pa aparesé riba resibu di kaha:
1. E preis di konsumidó (inkluso e impuesto riba benta);
2. Fecha i orario di entrega di resibu;
3. Number di e resibu di kaha ku ta sigui otro;
4. Nòmber o nòmber komersial di e negoshi, adrès i e servisio duná;
5. Deskripshon kla di e produkto entregá o di e servisio duná;
6. Kantidat di produkto entregá o embergadura di e servisio;
7. Preis unitario pa produkto inkluso impuesto riba benta, tarifa di impuesto riba benta;
8. Preis total; i
9. Suma di impuesto riba benta.
Den kaso ku e komersiante hasi uso di e sistema di registrashon di kaha, mester anunsiá un number di resibu úniko otorgá pa Inspektor di Inpuesto, en bes di un number di resibu. Den e kaso aki tambe e number di identifikashon di e kaha mester aparesé riba e resibu.
Inspektor di Impuesto a habri liñanan di informashon pa konsumidó i komersiante hasi nan pregunta tokante di e tópiko aki. Telefòn: 7342520, 7342529, 7342569 òf mail na [email protected]. Tambe tur konsumidó pro tuma kontakto ku Fundashon pa Konsumidó pa kualke pregunta via mail: [email protected] òf telefòn 4626666
Fundashon pa Konsumidó den e último dos lunanan a hasi un yamada na konsumidónan ku a keda afektá pa bankarota di Dutch Antilles Express (DAE). A base di palabrashonnan hasí ku e kuratòrnan di DAE, abogadonan Mirto Murray i Paul van de Laarschot, nos fundashon a fasilitá nos konsumidónan i enkurashá nan pa entregá nan kleim kontra DAE na nos ofisina. Tambe konsumidónan por a hasi esaki via nos wèpsait kaminda nos a traha un página speshal pa deponé kleimnan di forma digital.
Hopi tabata e konsumidónan ku a akudí na nos ofisina pa entrega nan kleim. Ounke ku e garantia no tei ku un konsumidó lo haña su sèn bèk tòg hopi konsumidó a tuma e tempu i energia pa akudí na nos ofisina. E konteo ya a pasa mas ku 300 kleim entregá na nos fundashon. Kada kleim a keda registrá i lo keda entregá na e kuratòrnan.
Entretantu e fluho di perhudikadonan a baha konsiderabelmente i ofisialmente Fundashon pa Konsumidó a sera e trayekto aki dia 8 di novèmber. Konsumidónan afektá por akudí serka e kuratòrnan ariba menshoná via e-mail: [email protected]. Loke ta sigur ta ku Fundashon pa Konsumidó lo keda den estrecho kontakto ku e abogadonan en kuestion pa asina keda na altura di e desaroyo di e kaso aki.
KONSUMIDÓNAN RABIÁ
Konsumidónan perhudiká pa bankarota DAE