SANGURA
BO SALÚ
LUCHA KONTRA
Tuma bo tempu i pensa un ratu. Kuantu maskota bo tin na bo kas?
E kantidat ku bo a pensa lamentablemente no ta korekto. Un insekto ku práktikamente ta ser konsiderá komo e maskota den kas di tur famia aki na Kòrsou ta sangura. E diferenshanan entre un maskota komun i koriente i un sangura, ta ku e sangura aki ta drenta den bo kas indeseádamente. No mester kumpr’é na un pètshòp ni aliment’é ku un kuminda speshal. E mes ta hasi su mes di kas, invadiendo bo hogar i alimentando su mes ku bo sanger.
.
- nèt pa pone na bentana,
- bisti pidjama largu
- Drumi bou di un mosketero
- Eliminá sanguranan dor di uza insektisida
- Un rèket eléktriko (zapper)
OJO
Aparte di e benefisio di evitá sangura òf kualke otro insekto riba bo kurpa, e produktonan ku ta kontené e ingrediente DEET tin nan desbentahanan tambe. T’asina ku 20% di e kantidat ku bo smer riba bo kurpa ta wòrdu apsorbé i drenta bo sanger. P’esei ta konsehabel pa hende muhé na estado i muchanan di 3 pa 6 aña no uza e produktonan di smer na kurpa ku ta kontené mas ku 30% DEET.
No ta konsehabel tampoko pa hunta e produktonan aki muchu tras di otro debí na e kímikonan ku esaki ta kontené. Evitá di laga nan den serkania di mucha i tambe sòru pa e produkto no bai den wowo i/òf boka.
Awendia nos konosé vários produkto pa hunta na kurpa kual ta evitá ku sangura ta para na bo kurpa i pikabu. Mayoria di e produkto nan aki ta kontené e asina yamá DEET. Esaki ta un ingrediente ku ta afektá e olfato di e sangura òf kualke otro insekto ku ta pika. DEET ta hasié difísil pa nan por rekonosé e kueru humano komo un alimento. E kantidat di DEET ku un produkto ta kontené ta wòrdu indiká den porshento.
Produktonan ku 30% di DEET ta protehábu masoménos 6 ora largu. Esnan ku ta kontené 50% di DEET ta protehábu mas ku 8 ora largu. Un kantidat di mas haltu ku 50 sinembargo no ta garantisá èkstra protekshon.
Apesar di ku e produktonan di smer aki ta hopi efektivo, no ta tur hende gusta hunta nan. Hopi ta esnan ku ta haña e holó demasiado stèrki i tin ku te asta ta hañ’é fis. P’esei ta eksistí mas método òf produkto ku tambe bo por hasi uzo di dje pa evitá e pikánan doloroso ku e maskotanan indeseá nan aki ta okashoná: