Konsumidó Alertá Volumen 1, novèmber 2013 | Page 16

Si bo ta pensando pa hasi bo promé pasonan pa kumpra e kas di bo soño, bo mester ta prepará pa pasa den e diferente fasenan pa yega na dje.

For di duna un oferta pa kumpra un kas te na e momentu di muda bai den bo kas lo tuma por lo ménos un pa tres luna. Pero haña e propiedat ideal pa kumpra por tuma hopi mas tantu ku esaki i pa bo spar pa yega na un suma sufisiente pa usa komo depósito por tuma ainda un kantidat di aña. Awor kiko bo mester sa? Nos ta bai trata e ocho stapnan pa kumpra un kas kual ta kosnan ku lo bo haña riba bo kaminda pa yega na bo kas ideal.

Bankonan mayoria biaha ta pidi un depósito propio d 20% pa bo haña un hipotek. Pa kumpra un kas ku ta kosta fl. 200.000,= ta nifiká ku bo mes mester tin 40.000 florin di spar pa usa pa kumpra bo kas. I mas karu e kas ta e suma aki lo bira mas tantu. Pero tin tambe bankonan ku ta duna 90 te ku 100% hipotek. Kòrda semper ku si bo hinka bo mes sèn den bo kas, ménos bo debe na banko lo ta, ménos lo bo tin ku paga pa luna na hipotek i hasta mas lihé lo bo por kaba di paga bo kas.

STAP 1: SPAR BO DEPOSITO

STAP 2: BUSKA UN KAS

Nos tur ke e kas di nos soño. Den e búskeda pa un kas apropiá ta importante pa ta realístiko i buska un kas ku bo por afòrt. For di un prinsipio, separá kosnan ku p’abo ta nesesario for di kosnan ku lo ta “leuk” pa tin na un kas. Por ehèmpel un kamber èkstra òf un pisina, ta kosnan esensial i nesesario òf mas bien un luho èkstra.

Papia ku diferente makelar, buska riba wèpsaitnan di benta di kas pa bo haña un bon idea di kasnan na benta den e área ku bo ta deseá. I mas importante, di e preisnan ku nan ta pidi pa e kasnan aki.

STAP3: BUSKA E HIPOTEK KU TA PAS KU BO

A ménos ku bo tin hopi plaka òf bo a dal un number lo bo tin ku fia sèn di un banko pa kumpra bo kas. Ta bon pa for di tempran bo kuminsá investigá, informá bo mes i pidi oferta seka diferente banko. Esaki lo skapabo tempu mas despues.

Laga bankonan pone riba papel kuantu sèn nan ta dispuesto pa fiabo. Aunke ku e fiansa ta dependé di e kas i su balor, lo bo mustra hopi mas serio seka e bendedó si bo a hasi bo hùiswèrk adelantá. Pero promé ku tur kos sòru pa bo komprondé e reglanan básiko di kon un hipotek ta funshoná i sa tambe ki tipo di hipotek ta pas ku bo situashon personal. Si ta nesesario buska un intermediadó di hipotek imparsial ku por dunabo konseho independiente. Kòrda ku esaki por kostabo sèn. Den tur kaso bo por tuma kontakto ku Fundashon pa Konsumidó ku bo pregunta.

STAP 4: SERA UN HOPITEK

Asina bo ta komprondé e reglanan básiko di un fiansa di hipotek bo por pidi bankonan pa dunabo un konseho riba un hipotek. Tin diferente sorto di hipotek i produktonan relatá na esaki manera seguro di bida i seguro di kandela i kas. Si bo bai seka un konsehero independiente e lo buska pa bo e mihó dil na diferente banko. Kòrda ku e por kobra pa su servisio. Sigur ta konsehabel pa papia ku diferente banko. No ta nesesario pa bo bai e banko kaminda bo salario ta kore. E benefisio ku bo tin di bai bo banko di kas ta ku nan tin hopi informashon finansiero di bo ku lo mester yudabo haña un mihó dil.

GUIA

PA KUMPRA UN KAS

den

stap

8