Konsumidó Alertá Volumen 8, yüni - yüli 2014 - Page 6

2

NOTISIA

"Maecenas ipsum purus ultricies ut hendrerit ac, imperdiet et lectus.Nula facilisi."

Muchanan ku ta bai skol ta obligá di bisti unifòrm. Esaki gobièrnu a stipulá algun aña pasá pa entre otro por tin mihó kòntròl rònt skolnan. Tur komienso di aña eskolar nos ta tende di kehonan di mayornan pa loke ta trata kumpramentu di unifòrm; sea nan ta muchu karu òf e kalidat no ta bon. Pa aklará un ke otro, Fundashon pa Konsumidó a tuma kontakto ku Direktiva di Skolnan Katóliko, Direktiva di Skolnan Protestant (V.P.C.O.) i tambe Servisio di Skolnan Públiko (D.O.S.) pa asina informá nos konsumidónan tokante e maneho di e direktivanan riba e tópiko di unifòrm.

Kada skol ta disidí pa su mes

Ta asina ku kada skol mes tin reglanan pa loke ta trata e unifòrm ku e alumnonan tin ku bisti. Ta e skol mes ta skohe e modèl di e unifòrm i diseño por ehèmpel. Sí ta asina ku e kabesantenan di skol na e skolnan públiko, mester konsultá ku e komishon di mayornan i si tin komishon di studiantenan, tambe e komishon di studiantenan, promé ku tuma desishon riba kua tipo di unifòrm e alumnonan lo bai bisti. Direktiva di Skolnan Katóliko tambe ta pidi e skolnan katóliko pa konsultá ku e komishon di mayor òf mayornan ora ta bai skohé kua modèl di unifòrm e alumnonan ta bai bisti. Pues unifòrm no ta kai bou di kompetensia di e direktivanan di skol pero bou di kompetensia di e skolnan mes. Sí ta asina ku e direktivanan ta duna sierto regla- i kondishonnan na kua e skolnan tin ku tene kuenta kuné pa loke ta trata unifòrm.

Unifòrm kompletu òf solamente polo?

Miéntras ku pa sierto skolnan e unifòrm ta konsistí di solamente un T-shirt òf poloshirt, pa otro skolnan karson òf saya i hasta sapatu ku mea ta forma parti di e unifòrm. Tin skolnan ku ta pone komo regla ku e alumno tin ku bini skol ku sapatu será i ku mea blanku riba ènkel. Tambe tin skolnan ku ta obligá e alumnonan pa bisti sapatu será koló pretu. Pues reglanan pa loke ta trata e unifòrm i kiko e ta enserá ta varia di skol pa skol. Sí ta asina ku Direktiva di Skolnan Katóliko a indiká na e skolnan katóliko pa nan no hasi asesorionan manera faha òf mea obligatorio na e skol.

Kalidat di e unifòrm

Pa loke ta trata kalidat di e unifòrm, tin regla pa e kalidat di e unifòrm ku e unifòrmnan di skolnan públiko i skolnan katóliko mester kumpli ku n’e. E unifòrm di un skol públiko mester wòrdu traha mas tantu posibel di tela ku no ta kremp ni machiká i di kua e koló no ta kita ora e wòrdu labá. Tambe e unifòrm mester ta leve. Riba e unifòrm mester ta poné na un forma kla i transparente e preskripshonnan pa kon laba e unifòrm. Tambe e unifòrm mester ta simpel i sin muchu detaye. E unifòrmnan di un skolnan katóliko tambe mester kumpli na sierto kondishonnan pa loke ta trata kalidat. E koló di e unifòrm pa sigur un aña eskolar no tin mag di a blekia, pèrdè koló òf kita na momentu ku ta laba e unifòrm.

UNIFÒRM

DI SKOL

mester ta algu aksesibel pa tur mayor i mucha