Konsumidó Alertá Volumen 8, yüni - yüli 2014 - Page 5

Algun tep

pa spar den

preparashon pa Back to School

Mayoria skol ta duna adelantá un lista di tur loke e mucha ta bai tin mester. Usa esaki ya bo ta kumpra dirigí i alabes spar tempu i sèn.

Revisá loke bo tin na kas kaba, manera unifòrm, tas, map i otro asesorionan i remplasá solamente loke berdaderamente ta nesesario.

Skohe tambe artíkulonan eskolar segun e mucha su edat i nesesidat i invertí den artíkulonan ku e mucha por bai basta tempu kuné.

Por último, siña bo yunan e balor di kuida i konserva su artíkulonan di skol den bon estado. Esaki ta bon pa e mucha i tambe bo pòtmòni.

E kontesta ta no! Nos leinan ningun kaminda ta papia ku un tegoedbòn ta obligatorio. Sinembargo, un komersiante por duna e konsumidó un tegoedbòn na momento ku ta e konsumidó a disidí ke e no kier e produkto mas, siendo e produkto òf artíkulo mes no falta nada. Por ehèmpel si bo a kumpra un par di sapatu sin a pas esaki i ora bo a yega kas bo a nota ku e ta nèt muchu grandi. Lei ta stipulá ku “koop is koop”. Na bon papiamentu kumprá ta kumprá! Den e sirkunstansha ariba menshoná, kambio di e merkansia no ta derechi legal pero mas un muestra di bon boluntat di e komersiante. Tene na kuenta ku un tegoedbon por ta mará na kondishonnan manera kon largu e bòn ta bálido, ku no ta duna sèn bek.

Bo ta obligá pa aseptá un tegoedbòn?

Pregunta di luna