Konsumidó Alertá Volumen 8, yüni - yüli 2014 - Page 21

Síntomanan di transishon

• Menstruashon iregular (interupshon kòrtiku òf

largu, durashon kòrtiku òf largu, mas òf ménos

pèrdida di sanger).

• Doló di barika òf doló di lomba, durante di e

menstruashon por bira pió òf ménos òf por

aparesé pa promé bes.

• Kansansio, biramentu di kabes i doló di kabes

dor di sanger abou.

• Mal genio: diripiente un kalor intenso na kara,

garganta i/òf pechu ta bira kòrá i

impetuosamente sodo por presentá.

• Miedu i inseguridat dor di mal genio inesperá.

• Atake di sodamentu anochi.

• Falta di soño ta kousa kansansio i ta hasi bo

krepchi.

• Un sentimentu desagradabel òf doló na

momentu di tene relashon.

• Ménos gana di tene relashon seksual.

Tèst

Mayoria biaha un hende muhé no mester di hasi un tèst pa konstatá ku su periodo di transishon a kuminsá, ounke ku e promé síntomanan por ta hopi konfuso. E por haña ku diripiente su kurpa ta bira kayente òf e ta kuminsá supla, sin un motibu spesífiko. Si semper e menstruashon tabata iregular òf si tin uso di pil, por tarda un tiki promé ku e tuma nota ku e ta den su periodo di transishon. Den kaso ku tin duda semper e mes por aserka su dòkter di kas pa laga hasi un tèst di sanger.

Un konseho ta pa laga hasi un tèst despues di tres of seis luna ku b’a stòp ku e uso di pil. E pil ta oprimí e produkshon di hechamentu di e èisel. Esei por influenshá e resultado di e tèst. Un resultado positivo no ta nifiká ku e persona ei no ta fèrtil. Un ovulashon ainda por presentá. Un tèst so no por determiná ku un persona a pasa e periodo di transishon of kon leu e periodo di transishon a avansá.

Alivio

E periodo di transishon no ta un malesa, pero un fase di bida. E dòkter di kas semper por resetá algu pa hormona, pero esei ta pa si realmente bo tin hopi molèster voral pa ku bo funshonamentu diario. Na botika- i tiendanan di salú tin hopi produkto ku ta aliviá molèsternan ku por presentá den e periodo di transishon.

Rònt di kuarenta, sinkuenta aña hende muhé ta haña su periodo di transishon. Esaki ta e periodo rondó di bo lastu menstruashon. Un hende muhé por keda molèster di menopouse pa un promedio dies aña .