Konsumidó Alertá Volumen 8, yüni - yüli 2014 - Page 18

Back To School 2014

Fakansi grandi ta yegando na su fin i e aña eskolar nobo ta den porta. Pa e aña eskolar nobo nos muchanan mester di diferente artíkulo nobo pa bai skol kuné. Ya ku mayornan tin un periodo kòrtiku pa kumpra artíkulonan ku nos muchanan mester usa henter e aña eskolar, Fundashon pa Konsumidó ku koperashon di Ministerio di Desaroyo Ekonómiko a disidí di duna nos mayornan un man.

Ministerio di Desaroyo Ekonómiko den e periodo di 14 di yüli pa 21 yüli di 2014 a bishitá 20 establesimentu ku ta bende artíkulonan pa skol i a anotá e preisnan i material disponibel. A anotá preis di un total di 64 produkto. E establesimentunan ku a partisipá den e komparashon di preis aki ta:

Samson Chobolobo, Samson Digital Plus, Samson Colon, Samson Jan Noorduynweg, Office Stop, Martis Agencies, Curacao Office Systems, Mensing’s Caminada, Multi Centrum 2000, Señor Barata Sta. Maria, Señor Barata Sta. Rosa, La Curacao Jan Noorduynweg, Bruna, Dovester Saliña, Dovester Gosieweg, Dovester Sta. Maria, Curacao Office Supply, Casa Cesar, Building Depot i Home Plus.

Fundashon pa Konsumidó a pidi algun skol di VSBO duna nos informashon tokante e artíkulonan ku nan alumnonan mester tin pa e aña eskolar benidero i a wak na tur 20 establesimentu kuantu ta sali pa kumpra e artíkulonan aki. Nos tin ku remarká ku no ta tur establesimentu ta bende e mesun markanan i tin tur produkto den stòk. Nos komparashon di preis ta duna pues un impreshon di diferensha di preis i disponibilidat di produktonan na momentu di e anotashon i no di kalidat i durabilidat di e artíkulonan kompará. Pues semper komo kumpradó, kontrolá i kompará material i konstrukshon di e produkto pa asina bo tin un bon impreshon di su kalidat.

Riba e lista ku nos a risibí di skol pa loke ta trata material ku e mucha mester tin pa e aña eskolar nobo tin e siguiente artíkulonan:

Skreft

20 taalschrift

8 ruitjesschrift (5 mm)

Dikshonario

Dikshonario Hulandes PrismaDikshonario Ingles – Hulandes Prisma

Dikshonario Spañó – Hulandes Prisma

Material pa skibi

5 pen blou

2 pen pèn kòrá

7 pòtlot HB

2 highlighters

Steft (6x)

Pòtlot di koló (12x)