Konsumidó Alertá Volumen 55 - Page 17

BO SALÚ

Kome i bebe saludabel

Hiba un alimentashon balansá. Evitá kome chatara, fast food, junkfood etcetc. I wak bo intake di alimentunan ku ta kontené hopi suku. Limitá kafeina, ya ku esaki tambe por dunabo strès i laga bo sinti ansiedat. Evitá tabako, alkohòl y droga . Si bo ta huma tabako tene kuenta ku esaki por ta un motibunan di malesanan pulmonar. Komo COVID ta afektá bo pulmonnan, bo riesgo di catch e virus ta oumentá mas tantu.

Bebe alkohòl ku moderashon

Algun estudio hasi durante e pandemia aki a mustra ku mundialmente uso di alkohòl a subi drástikamente último lunanan. Hopi a rekurí na alkohòl pa por enfrentá e situashon no akustumbrá ku Covid a trese kuné. Tene kuenta si ku konsumo di mas por afektá bo kapasidat di asimilá un situashon spesífiko.

Limitá e tèmpo ku bo ta pasa dilanti televishon of un otro dispositivo elektróniko.

Purba pone pa bo mes un límite di ora ku bo ta pasa dilanti bo televishon, bo kòmpiuter, tèblèt of telefon. Ta rekomendabel pa paga esaki sigur un 30 minüt promé bo bai drumi.

Rilèks

Relahá e kurpa i “recharge bo bateria”. Reserva tempu pa bo mes. Djis un par di minüt di trankilidat por yuda refreská i yudá kalma bo mente i redusí ansiedat. Purba ku yoga òf meditashon. Skucha músika relahante òf skucha un bon oudio book. Lesa un buki i amplia bo konosementu di e forma ei. Disfrutá mas tantu di aire liber ku bo por. Buska un método ku bo ta sintibo bon kuné i hasié ku regularidat.

Baha man na skucha Notisia

Lo bo no kere, pero skucha notisia, i voral den tempunan di Covid aki, por ta kousante di strès, hansha i i nervio serka hopi hende ya ku tur dia bo ta keda pòmp e mente i kurpa ku e mesun informashon estresante ei. Un mihó opshon ta pa buska pasa tempunan òf hòbi ku bo por hasi na kas. Nan ta yudabo yena bo dia i ta distraí e mente di e kosnan ferfelu di tur dia.

Pensamentu positivo

Skohe pa focus bo energia den e kosnan positivo i bunita di bida, na luga di sinta pensa kon malu bo ta sintibo.

Keda ku kontakto ku bo amistades i famia

Hasi bon uso di e telefon of e kòmpiuter dor mantené kontakto ku bo hendenan ku talbes bo tin basta dia sin tende di nan. Forma amistatnan nobo. Evita aislamento sosial. Saka tempu kada día pa hasi konekshonnan virtual. Facetime, zoom... Disfrutá di hasi sosiabilidat virtual.

I si kos bira ferfelu i bo ta sinti ku bo no por enfrentá e situashon di Covid aki bo so, buska yudansa. No karga e strès aki bo so.