IMPOSIBEL
KOMISHON DI
DISPUTA DI SEGURO
Tur negoshante mester kumpli kun'é
Kiko bo mester hasi na momentu ku bo no ta di akuerdo ku akshon òf desishon di bo kompania di seguro?
E prosedura general di keho entre asegurado i kompania di seguro aki bou lo duna un bista di kua ta e pasonan ku un konsumidó mester pasa aden promé ku e por entregá un kaso na e komishon.
• E konsumidó ta akudí na promé instansia ku su
keho seka e kompania di seguro. E kompania di
seguro ta investigá e keho i ta duna su konklushon.
• Den kaso ku e konsumidó no ta satisfecho ku e
desishon e por akudí na Fundashon pa Konsumidó.
Fundashon pa Konsumidó ta investigá e keho i
tuma kontakto ku e kompania di seguro pa i
ntermediá pa e konsumidó.
• Si e intermediashon di Fundashon pa Konsumidó
no yega na un solushon satisfaktorio pa e
konsumidó, e por disidí pa laga e keho keda tratá
den e Komishon di Disputa di Seguro.
Laga nos pasa den tur e fasenan for di komienso di un keho.
Fase 1. Inisiá prosedura di keho seka bo kompania di seguro
• Drenta den kontakto ku e kompania di seguro pa
entregá un keho ofisial.
• Indiká bo nòmber, adrès number di telefòn,
number di pólisa i otro datonan relevante.
• Duna un deskripshon kompletu di e
akontesimentunan i splika dikon bo no ta
satisfecho.
• Hasi uzo di e formulario di keho di e kompania di
seguro si ta optenibel.
• Añadí kopia di tur dokumento relevante. Kòrda
warda e dokumentonan original.
Denter di 6 siman ku bo a entregá un keho bo kompania di seguro mester manda un reakshon por eskrito. Si esaki no ta e kaso òf si bo no ta di akuerdo ku e desishon tumá pa e kompania di seguro bo por aserká Fundashon pa Konsumidó pa intermediá den e kaso.
Fase 2. Apelá pa Intermediashon di Fundashon pa Konsumidó
Na momentu ku bo no ta satisfecho ku resultado di e keho ku bo a entregá serka e kompania di seguro, bo por inisiá un proseso di intermediashon serka Fundashon pa Konsumidó. E proseso aki ta kosta ANG. 10,00.
• Entregá bo keho via di telefòn, karta, meil òf yena
e formulario aksesibel via e wèpsait di Fundashon
pa Konsumidó.
• Indiká detayadamente kiko e keho ta enserá i saka
kopia di tur dokumentonan relevante.
• Tambe eventualmente por saka pòrtrèt i graba pa
duna un mihó bista di e keho
• Kòrda warda e dokumentonan original.
• Fundashon pa Konsumidó ta tuma kontakto ku e
kompania di seguro na bo nòmber i duna e
kompania espasio pa trese su punto di bista
dilanti.
• Aki e proseso di intermediashon ta tuma lugá.
Esaki no ta un proseso obligatorio pa e kompania
partisipá na dje.
• Si e intermediashon dor di Fundashon pa
Konsumidó no resultá den e resultado deseá, bo
por entregá un keho na e Komishon di Disputa di
Seguro Kòrsou.
Curaçao & Bonaire Insurance Association i Fundashon pa Konsumidó a sera un konvenio na aña 2013 pa traha huntu riba tereno di maneho di keho. Esaki a resultá den e Komishon di Disputa di Seguro Kòrsou (Geschillencommissie Verzekeringen Curaçao). Pa un kaso keda tratá pa e komishon aki e mester pasa promé den un proseso i e keho mester ta kai bou di algun kondishon.
Un di e kondishonnan mas importante ta ku un konsumidó por entregá un kaso solamente kontra su propio kompania di seguro. Mester tin un relashon di kliente-kompania di seguro pa por trese un kaso dilanti di e komishon aki.