Konsumidó Alertá Volumen 31, Febrüari 2017 - Page 20

Mehorá Durashon

di Bateria

Teps pa

Bo tin e idea ku bateria di smarthphone ta baha hopi lihé, pero bo no tin idea kon bo evitá esaki? Ku teps ku aki bou ta siña bo kon pa Mehorá durashon di e bateria, pa asina bo por hasi uso mas largu di bo smarthphone.

1. GPS

Kontrolá si bo sistema di GPS ta sende. Den kaso ku esaki ta sende i bo no tin nesesidat di uze, paga esaki.

2. Bluetooth

Bluetooth ta un di e faktornan ku ta okashoná ku bo bateria ta baha. Esaki hopi di nos no ta konsiente di dje. Kontrolá si esaki ta paga ora e no ta den uzo.

3. Media Sosial

Ménos media sosial bo tin instalá riba bo telefòn, ménos bo bateria di telefòn baha. E diferente tipo di media sosial manera Facebook, Instagram, Snapchat, YouTube etc. ta esnan ku ta baha bo bateria rápidamente.

4. Iluminashon

Aparte di ta mihó pa bo bista, iluminashon ménos fèl ta pèrkurá pa bo bateria no baha muchu lihé. Ta un opshon pa pone esaki riba e sistema outomátiko. E telefòn mes lo rekonosé e momentu ideal pa aktivá e grado di iluminashon adekuá.

5. Wifi

Paga bo wifi na momentu bo ta sali bo kas. Na e manera aki bo ta evitá ku e ta keda buska konekshon innesesariamente, kual tambe ta kontribuí na bahada di bo bateria.

6. Sinkronisashon

Paga e funshon di sinkronisashon outomátiko na momentu ku no ta nesesariamente bo mester keda na altura di akontesimentu nan riba retnan sosial (por ehèmpel durante vakashon)

7. Aplikashonnan

Hopi di nos no ta konsiente riba e aplikashonnan ku ta keda den fondo di telefòn. Pues, aplikashonnan ku bo a habri òf uza i ku segun bo, bo a sera nan. Echo ta ku esakinan ta keda habri den fondo. Sera esaki nan si bo no ta uzando nan. E aplikashonnan aki tambe por ta motibu ku bo bateria ta baha lihé.

8. Funshon di vibra

Paga e funshon ku ta pone bo aparato vibra i semehante, por ehèmpel e zonido di bo teklado. Esaki tambe ta skel;

9. Spar energia

Mayoria di smartphone tin den e programashon e sistema di ku ta spar energia. Sende esaki den kaso di urgensia di moda ku bo por hasi uso mas largu di bo bateria.