Konsumidó Alertá Volumen 3, yanüari 2014 - Page 16

1

Planea adelantá

Ta hopi importante pa plania bo kompra pa bo por kumpra konsiente i ekonómiko. Plania kiko ta e menú di siman pa bo kumpra solamente loke ta nesesario i evitá tambe desperdisio di kuminda. Si bo ta dos persona den un kas, no kumpra kuminda pa ocho persona, a ménos ku bo ta parti esaki i warda sobra den frizer pa usa despues. Chèk den bo kashinan kiko bo tin kaba, pa bo no kumpra di mas. Tambe check ofertanan ku tin den korant i hasi uso di esakinan.

2

Kumpra komestibel di markanan ménos popular

E produktonan aki tambe ta wòrdu produsí basá riba e normanan vigente di seguridat i kalidat di kuminda i nan ta mas ekonómiko na preis. Lesa riba e etikèt kiko ta e kontenido di e produkto pa bo tin sigur ku bo ta haña loke bo ta paga p’e.

3

Kumpra produkto por mayor si ta posibel

Bo por konsiderá na hasi esaki den un grupo di famia òf konosí. Tin vários produkto ku bo por kumpra por mayor, por ehèmpel habon, papel di w.c., shampo, pasta di djente, produktonan den bleki, bòdi loshon. E preis por mayor ta mas ekonómiko.

4

Traha un lista di kompra.

Nos tin tendensia di kumpra kos impulsivo i pa evitá esaki ta bon pa bo traha bo lista di kompra i tenebo estriktamente na dje. Sin un lista di kompra bo ta kore riesgo di kumpra kosnan innesesario.

7SIKO

pa hasi kompra

TEP