Konsumidó Alertá Volumen 2, desèmber 2013 - Page 9

LEI DI SEGURO DI OUTO

Aki mi ke trese dilanti un rapòrt interesante yamá BRK, ku ta para pa "Belasting, Registratie en Keuringen" o sea Impuesto, Registrashon i Inspekshon. Ku implementashon di un departamentu ku tarea di kòntròl atministrativo di tur loke tin di haber ku vehíkulonan motorisá ta bira posibel ku na tur momentu nos tin bista di tur outo riba nos isla, for di momentu ku e ta baha for di barku te na e momentu ku e bai wòrdu di krush. Esaki ta nifiká ku hasta si bo outo ta para dañá den bo kura di kas i bo no ta kor’é, e outo mester ta sigurá. Esun ku no lo usá su outo mas, lo laga deshasí di esaki mas lihé. Laga krush un outo no ta kosta nada pasobra for di ora bo paga bo number di outo tin un parti ku ta reservá pa ora DOW mester deshasí di bo outo.

Dikon un instansha asina ta nesesario?

E nesesidat di un organisashon asina ta nesesario pasobra a keda probá ku por lo ménos 20% di outonan ku ta hasi uso di nos kareteranan no tin ningun sorto di seguro. Tambe ta probá ku relativamente hopi doño di outo no ta paga nan number di outo ni e gastunan pa deshasí di nan outo ora e no ta sirbi mas y tampoko butnan ku nan risibí. Nos isla ta hibando hopi pèrdida ku komportashonnan asin’aki. Aktualmente e kòntròl atministrativo ta sosodé solamente dor di kompanianan di seguro na momentu ku un kliente paga su prima. Kompanianan no ta duna informashon na ningun instansia tokante ken a paga y ken no a paga, ni na hustisia ni na belasting. Kòntròl atministrativo, den e situashon aktual, ta sosodé únikamente ora bo bai paga bo number di outo. E un pa dos momentunan di kòntròl aki no ta sufisiente. Tampoko den kombinashon ku kòntròl di polis kant’i kaya. Kòntròl mester ta algu outomatisá, up-to-date den un sistema aksesibel pa instansianan konserní.

E montante máksimo menshoná den e Lei

Manera nos a mira e montante aki te awe ta stipulá na un máksimo di f. 90.000,=. Mirando kon preisnan a oumentá e montante aki no ta sufisiente mas. Sigur si tin kaso kaminda un tata òf mama provedó di famia ta fayesé den un aksidente. Aunke tin kompanianan ku di nan mes a oumentá e montante aki te na fl. 150.000,=, loke tampoko no ta sufisiente, ainda pa lei nos ta keda mará na e montante máksimo di fl. 90.000,=. Esaki ta nifiká ku na momentu ku un shofùr kore outo sin reibeweis òf kore fuma okashoná un aksidente, ni maske e outo ta sigurá pa fl. 150.000,= , e kompania di seguro por bisa: kòrda ku en realidat e persona su seguro no ta kubri e gastunan pasobra e persona tabata fuma òf sin reibeweis. Pero dor ku e lei ta obligámi pa paga, lo mi paga pero mi ta paga te na e máksimo stipulá den lei ku ta f. 90.000,=.

Awor, e lei di seguro obligatorio aki ta kumpli ku su meta?

Sí nos kompará e motibunan dikon kier a bini ku e lei, ku e resultado den práktika, mi ta konvensí ku lamentablemente ya esaki no ta kumpli mas ku e tempu di awendia. E motibu ta simpel: sí nos mira ku pa e lei aki esun di Hulanda a para komo modèl, e diferensha ta ku durante di añanan Hulanda sí a sigui adaptá e lei konstantemente na situashon i tempu pa protehá e perhudikado.

9 % DI OB RIBA VÜRWÈRK I KÈRSTBÓM

Aña 2013 ta yegando na su fin. Temporada di Pasku i fin di aña ta den tapara! E temporada di ham, ayaka, sùlt, pan de hamon porfin ta tras di porta. Ademas di e echo ku nos frishidèr sa ta bon di stòk pa fin di aña, nos gusta tin un kèrstbom pa dòrna kas. Un kèrstbom nèchi dòrná ku su bala nan di oro, tur na lus, otro adornonan i na tòp un strea poné, ta kambia henter e atmósfera den kas.

Ademas di e kèrstbom temporada di Pasku, fin di aña ta ora pa tira klapchi huntu ku famia. Galiña ku strea pa esnan chikitin, dònderbos i skybomb pe hóbennan i e pagara pe adultonan. Paso nos sa…. Tiru no por pasa sin ku a sende pagara pa kore ku fuku.

Nos ke kòrda nos konsumidónan si ku e aña aki lo bo tin ku paga 9% na OB ora bo kumpra bo kèrstbom i tambe vürwèrk. E tarifa di OB di 9% ta konta solamente pa e kèrstbom berdadero i no esnan di plèstik. Pa loke ta trata vürwèrk, e tarifa di OB di 9% ta konta pa TUR tipo di vürwèrk. Pues no ta hasi distinshon entre vürwèrk pa e profeshonal of vürwèrk pa e konsumidó.

Pues laga nos tene kuenta ku esaki. Anto pa esnan ku ta bai kumpra vürwèrk. No hasi kos di lokura pero laga nos ta kouteloso pa asina nos tur por tin un Pasku i un aña nobo yen di dicha i alegria!

.

Keda ku dominio riba propaganda

Abo ta disidí kiko ta importante pa abo i kiko bo mester: buta bo deseo nan bo dilanti. Laga e tentashon di propaganda,baratio i otro kosnan influenshábo mas tiki ku ta posibel. Si bo sa kiko bo ke,bo por bisa “no” mas fásil kontra di bo mes ora bo tin duda.

Tep pa logra bo metanan:

- Buta bo meta di spar riba papel: riba papel bo ta tene bo meta mas mihó dilanti bo.

- Traha un lista di prioridat di bo gastu nan.

.

INTERMEDIO

TEPNAN PA PASA DIANAN DI FIESTA

Temporada di fin di aña ta ora pa tira klapchi huntu ku famia. Galiña ku strea pa esnan chikitin, dònderbos i skybomb pe hóbennan i e pagara pe adultonan. Nos ke kòrda nos konsumidónan ku e aña aki lo bo tin ku paga 9% na OB ora bo kumpra bo kèrstbom i tambe vürwèrk. E tarifa di OB di 9% ta konta solamente pa e kèrstbom berdadero i no esnan di plèstik. Pa loke ta trata vürwèrk, e tarifa di OB di 9% ta konta pa tur tipo di vürwèrk. Pues no ta hasi distinshon entre vürwèrk pa e profeshonal of vürwèrk pa e konsumidó. Pues tene kuenta ku esaki. Anto pa esnan ku ta bai kumpra vürwèrk, no hasi kos di lokura pero laga nos ta kouteloso pa asina nos tur por tin un Pasku i un aña nobo yen di dicha i alegria!

Abo ta disidí kiko ta importante pa abo i kiko bo mester: buta bo deseo nan bo dilanti. Laga e tentashon di propaganda,baratio i otro kosnan influenshábo mas tiki ku ta posibel. Si bo sa kiko bo ke,bo por bisa “no” mas fásil kontra di bo mes ora bo tin duda.

Tep pa logra bo metanan:

- Buta bo meta di spar riba papel: riba papel bo ta tene bo meta mas

mihó dilanti bo.

- Traha un lista di prioridat di bo gastu nan.

no laga propaganda dominabo

drecha bo kas den dianan di fiesta

No ta nesesario tur aña di nobo kumpra muebel òf dekorashonnan di Pasku pa e dianan di fiesta. Kjis un toke chikí aki, un toke aya, sin muchu sèn bo por kambia henter e atmósfera di bo kas. Usa bo imaginashon pa por dòrna bo kas manera bo ta deseá.

Kambia solamente bo kortinanan, kambia muebelnan di lugá, dekorá ku mata, bela, un vas, un spil, usa kusinchi di kolo, un portrèt. Ta kambionan no muchu kostoso, pero ku ta duna bo kas mesora un toke diferente.

Otro kustumber di fin di aña ku por sali nos karu ta e tradishonal palu di Pasku i su adorno. A bira “normal” pa tur aña kumpra dekorashonnan nobo djis paso ta otro kolo of estilo ta na moda. No laga komersio dikta loke abo ta gusta i kumpra! Si bo dekorashonnan ta den bon kondishon, usa nan i kisas kambia un toke aki aya pa trese variashon. Si algun di bo lusnan di Pasku a stòp di traha, bo no tin nodi di tira nan tur afó pa kumpra nobo. E pakinan di lus di Pasku hopi biaha ta bin ku dos òf tres lus èkstra pa kambia esunnan ku a kima. Tambe bo por lora e lusnan den tal forma ku esnan ku no ta sende ta wòrdu tapa pa bista di hende. Trata di ta inventivo i kreativo.

9% ob RIBA VURWèRK I KERSTBOM

tEPNAN PA DIANAN DI FIESTA