Konsumidó Alertá Volumen 2, desèmber 2013 - Page 8

IMPOSIBEL

TIN DERECHI

RIBA BON SERVISIO, INFORMASHON I PRODUKTO KOREKTO

“Si bo ta kere ku konosementu ta karu, imaginábo kuantu ignoransha lo kosta!”

Fundashon pa Konsumidó ku regularidat ta risibí keho di konsumidó nan ku ta sinti ku nan derechinan no ta wòrdu respetá. Aparatonan elektróniko ku ta daña un bes, artíkulonan ku ta daña siendo den periodo di garantia, servisio defisiente, problema ku konstrukshon, kasonan di seguro i asina tin muchu mas. Fundashon kier trese dilanti ku aunke nos ta ripara ku konsumidónan mas i mas ta birando kritiko i ta sali pa nan derechinan, tòg ainda tin hopi kasonan kaminda komersiantenan astuto ta burlá di nan responsabilidatnan.

Si un komersiante ta kumpli ku e eksigenshanan kalidat, seguridat, preis hustu, ta kumpli ku duna informashon korekto riba kontenido di produkto i servisio, Fundashon pa Konsumidó lo ta e promé un pa elogiá esaki. Un bon nòmber ta e mihó propaganda pa kualke komersiante ku ta respetá su mes. Kòrda ku kalidat mester bini promé ku ganashi. Di otro banda, si e komersiante no ta kumpli ku su responsabilidatnan nos lo no duda i publiká esaki.

Kon protehá mihó bo pakete òf dokumentonan?:

-Semper sigurá bo pakete òf dokumentunan na momentu di manda esakinan

-Skohe un kompania konfiabel i ku bon reputashon pa hasi negoshi kuné

-Kòrda Semper warda bo tracking number ya asina bo por vigilá trayekto di e pakete

-Na momentu di risibí e pakete, sòru kontrolá kontenido di esaki dilanti di e trahadó, promé ku firma pa esaki.

-Semper informá adelantá kiko ta nan reglanan den e kaso ku un problema presentá

-Si por, no manda tur kos den un pakete. Esaki lo por salibo algu mas karu, pero den kaso ku algu bai robes, ainda bo lo no a perde tur bo kosnan.

Konsumidó resientemente a hasi uso di servisionan di un kompania di envio. Den e kaso aki ta trata dje kompania Fedex Express. Ta trata aki di dokumentunan personal hopi importante ku e la manda buska for di eksterior.

Konforme e akuerdo di servisio, Fedex lo mester a transporte e dokumentonan te na porta di kos di e konsumidó. Esaki a sosodé tambe. Problema ta kuminsá na momentu ku señora ta habri e pakete i ta ripara ku tur su dokumentunan tabata di sker. Mesora konsumidó a tuma kontakto ku Fedex i eksigí di nan un kompensashon finansiero pa e pèrdida ku el a sufri.

Komo e proseso tabata dura muchu largu na konsumidó su smak, konsumidó a aserka nos Fundashon pa purba aselerá e kaso. Despues di nos intermediashon den un siman e señora a keda kla.

Fedex a pidi señora pa trese e dokumentunan pa nan por mira. Mesora nan a mira nan fout den e kaso aki I konforme nan kondishonnan general Fedex a paga konsumidó e montante di $ 100.00 pa kubri e gastunan nobo ku konsumidó lo bai tin pa buska su dokumentunan di nobo. Segun Fedex dado kaso e señora su daño òf pèrdida tabata mas haltu, nan lo a kompensá esaki tambe.!

Asina bo ta mira ku FEDEX a asumí su responsabilidat komo un kompania responsabel.

Di parti di Fundashon pa Konsumidó: "un duim den laira" pa FEDEX pa su servisio na kliente.

KONSUMIDÓ

FEDEX SI TA KUMPLI