Konsumidó Alertá Volumen 2, desèmber 2013 - Page 18

SKEIRU

Un bon aliento ta duna bo un bon sintimentu. E ta duna bo konfiansa, bo por kome i bebe sin ningun problema. Pa mantené bo boka i bo aliento salú bo mester trat’é tur dia. Dos biaha pa dia i pa dos minüt bo tin ku skeiru bo djente ku pasta di djente ku ta kontené fluorida. Mester bishita un dentista ku regularidat pa kontrolá bo djentenan i si ta nesesario hasi reparashon. Despues bo dentista mes ta referí bo na un higienista di boka.

BAKTERIA BON I MALU

Den bo boka tin tur sorto di bakteria, bon i malu. E bon bakteria ta un parti di e sistema defensivo i tambe ta yuda bo digestion. E bakteria malu por okashoná tur sorto di difikultat, manera buraku den djente, problema ku karni di djente i piedra na djente. E bakteria malu den boka hopi bahia ta sinta na djentenan ku tin piedra. Djentenan ku piedra hopi bahia tin un lag blanku pa bira hel ku bo ta sinti un tiki gròf . Pa evitá ku bo no ta haña piedra na djente ta rekomendabel pa skeiru djente dos bahia pa dia pa asina bo keda un dentadura sano.

TÈKNIKA ADEKUÁ PA SKEIRU DJENTE

Pa bo logra djentenan limpi bo mester skeiru por lo ménos dos minüt i tambe mester usa e moveshon adekuá. Esaki hopi bahia no ta sosodé. Estudio a demonstrá ku mayoria di hende ta skeiru nan djente pa un promedio di solamente 46 sekònde i no ta usa e moveshonnan adekuá. Konsekuentemente bo karni di djente no ta keda salú, i ku hasta bo por hañabo ku sangramentu na bo dentadura na momentu di skeiru bo djentenan.

Téknika adekuá: pone kabes di skeiru di djente skùin kaminda e karni di djente ta kaba. Skeiru promé e parti paden, despues e parti pafó di djentenan abou i sigui ku e parti ariba di e djente. Hasi mesun kos ku e djentenan ariba tambe. No ta importá ku kua parti bo kuminsá promé. Importante ta pa bo tene e sekuensia i semper kuminsá skeiru djente parti patras, ya bo no ta lubidá riba nan.

Uso di un skeiru di djente eléktriko tambe ta yuda hasi e moveshonnan adekuá. Bo skeiru eléktriko ta hasi e moveshonnan segun bo kareda di djente asina e ta limpia tambe mei mei di bo djentenan.

OTRO PRODUKTONAN DI HIGIENA PA BOKA

Banda di e skeiru di djente i e skeiru di djente eléktriko tin diferente mas produkto riba merkado ku por yuda purifiká bo boka, manera por ehèmpel: hilu dental, palitu di djente, awa pa laba boka, waterjet ,ragers òf flossdraad. Pidi bo dentista òf higienista di boko konseho adekuá tokante e nesesidat di uso di kada un di e produktonan aki.

E benefisionan di

DJENTE