Konsumidó Alertá Volumen 2, desèmber 2013 - Page 11

Òf kanselashon di buelo

Kompensashon pa retraso

EKSEPSHON: Den kaso ku e aerolinia tin retraso di buelo òf mester a kanselá buelonan pa motibu i un situashon fuera de lo komun (buitengewone omstandigheden), e pasahero no tin derechi riba kompensashon. Esaki ta e kaso por ehèmpel den kaso di un desaster natural manera erupshon di un volkan.

OJO: E montantenan ku e Ordenansa di Komunidat Europeo ta preskribí ta basá riba e distansha entre e lugá di salida i destinashon. E montantenan ariba menshoná ta konta solamente ora e distansha di e buelo ta mas ku 3500 kilometer por ehèmpel un buelo entre Kòrsou Hulanda (vice vèrsá). Pa buelonan ku un distansha di ménos ku 3500 kilometer òf buelonan entre paisnan ku ta pertenesé na Union Europeo, e Ordenansa ta stipulá un kompensashon monetario mas abou.

Komo ku retraso i kanselashon di buelo ta kosnan ku sa tuma lugá ku sierto regularidat, Fundashon pa Konsumidó ta di opinion ku mester bin reglanan pa tur kompanianan di aviashon ku ta bula for di Kòrsou i no solamente pa aerolinianan ku ta ehekutá buelonan pa paisnan miembro di Union Europeo.

Pues otro biaha ku bo haña bo konfrontá ku retraso di bo buelo pa Hulanda òf Alemania (vice vèrsá) di mas ku 3 ora òf anulashon di bo buelo, bo por tin derechi riba un kompensashon na balor di € 600.00.

Areolinia a ninga bo pa abordá e avion (instapweigering)

Den kaso ku e aerolinia nenga pa laga bo bòrdá e avion tambe bo tin derechi riba kompensashon.

Pa tur klaridat: ora nos ta referí na ningamentu pa bòrdá den e konteksto di e Ordenansa dunando e pasahero derechi riba kompensashon, nos ta referí na e situashon kaminda un pasahero a mèldu su mes na ora na bali pa chèk in na aeropuerto pa tuma parti na e buelo i e aerolinia a ninga pa laga e pasahero bòrdá i e rason tras di esaki no ta un rason rasonabel. Pues den kaso ku un aerolinia a ninga pa laga un pasahero bòrdá e avion a base di rasonnan rasonabel manera: rasonnan di siguridat, rasonnan relashoná ku salú di e pasahero òf pa motibu ku e pasahero no tin tur e dokumentonan nesesario, e pasahero no tin derechi riba kompensashon di e aerolinia.

Den e kaso ku un aerolinia ninga di laga un pasahero abordá i e rasonnan di e aerolinia no ta rasonabel, e pasahero tin derechi riba un kompensashon di € 600,-.

Kompensashon pa retraso

Òf kanselashon di buelo

Na Kòrsou nos tin 3 kompania di aviashon ku ta ehekutá buelonan direkto pa paisnan miembro di Union Europeo i pa kual e Ordenansa aki ta konta: KLM, Arke Fly i tambe Air Berlin. Si un pasahero bula di Kòrsou pa Schiphol (Arke Fly & KLM) òf Düsseldorf (Air Berlin) òf di e aeropuertonan aki pa Kòrsou i e haña su mes konfrontá ku retraso òf kanselashon di su buelo, bou di sierto kondishonnan e tin derechi riba un kompensashon monetario di e kompania di aviashon.

Retraso di mas ku 3 ora

Si un pasahero biahando ku KLM, Arkey Fly òf Air Berlin di Kòrsou pa Alemania òf Hulanda (òf vice vèrsá) haña su mes konfrontá ku un retraso di mas ku 3 ora, e pasahero tin derechi riba kompensashon di e aerolinia na balor di € 600.00.

Sinembargo, si tin un diferensia di ménos ku 4 ora entre e ora ku e pasahero a yega e destinashon i e ora ku e mester a yega segun su skema di buelo, por ehèmpel e buelo mester a yega Kòrsou 5 or di atardi pero dor di retraso e buelo a yega mitar di 9 di anochi, e kompania di aviashon por duna e pasahero € 300.00 na kompensashon na logá di

€ 600.00.

Anulashon di buelo

Den e kaso ku bo buelo di Kòrsou - Hulanda òf Kòrsou – Alemania (vice vèrsá) wòrdu anulá bo tin derechi riba kompensashon na balor di € 600.00, a ménos ku:

1. Eaerolinia a informá e bo por lo ménos 2 siman promé ku e ora planiá di salida di bo buelo ku e buelo a wòrdu anulá; òf

2. E aerolinia a informá bo entre 2 siman i 7 dia promé ku e ora planiá di salida di e buelo di e anulashon i a ofresé bo un otro buelo pa bo destinashon i e buelo aki no ta sali mas ku 2 ora promé ku bo buelo original i no ta yega mas ku 4 ora mas lat na bo destinashon; òf

3. E aerolinia a informá bo den ménos ku 7 dia promé ku e ora planiá di salida di bo buelo di e anulashon i a ofresé bo un otro buelo pa bo destinashon i e buelo aki no ta sali mas ku 1 ora promé ku e buelo original ni no ta yega mas ku 2 ora mas lat ku e buelo original na e destinashon.

Si e aerolinia a ofresé bo un buelo alternativo i e avion yega bo destinashon den ménos ku 4 ora despues di e ora ku bo tabatin ku yega segun skema di bo buelo original, e aerolinia por dunabo komo kompensashon € 300.00 na lugá di € 600.00.

EKSEPSHON: Den kaso ku e aerolinia tin retraso di buelo òf mester a kanselá buelonan pa motibu i un situashon fuera de lo komun (buitengewone omstandigheden), e pasahero no tin derechi riba kompensashon. Esaki ta e kaso por ehèmpel den kaso di un desaster natural manera erupshon di un volkan.

OJO: E montantenan ku e Ordenansa di Komunidat Europeo ta preskribí ta basá riba e distansha entre e lugá di salida i destinashon. E montantenan ariba menshoná ta konta solamente ora e distansha di e buelo ta mas ku 3500 kilometer por ehèmpel un buelo entre Kòrsou Hulanda (vice vèrsá). Pa buelonan ku un distansha di ménos ku 3500 kilometer òf buelonan entre paisnan ku ta pertenesé na Union Europeo, e Ordenansa ta stipulá un kompensashon monetario mas abou.

Komo ku retraso i kanselashon di buelo ta kosnan ku sa tuma lugá ku sierto regularidat, Fundashon pa Konsumidó ta di opinion ku mester bin reglanan pa tur kompanianan di aviashon ku ta bula for di Kòrsou i no solamente pa aerolinianan ku ta ehekutá buelonan pa paisnan miembro di Union Europeo.

Pues otro biaha ku bo haña bo konfrontá ku retraso di bo buelo pa Hulanda òf Alemania (vice vèrsá) di mas ku 3 ora òf anulashon di bo buelo, bo por tin derechi riba un kompensashon na balor di € 600.00.

KOMPENSASHON PA RETRASO