Konsumidó Alertá Volumen 2, desèmber 2013 - Page 10

DERECHI I DEBER

Bo a yega di haña bo konfrontá ku retrasonan di buelo ora bo bai biaha pa eksterior? Si bo buelo ta pa un pais miembro di Union Europeo, den sierto kaso bo por tin derechi riba un kompensashon monetario di e kompania di aviashon!

Na Kòrsou nos no tin leinan ku ta regla akomodashon òf kompensashon ora un biahero haña su mes konfrontá ku retraso òf kanselashon di su buelo.

Union Europeo si a instituí reglanan pa kompensashon i asistensia pa e pasahero den kaso di retraso òf kanselashon di su buelo den e Ordenansa di Komunidat Europeo Nr. 261-2004. E ordenansa aki ta aplikabel pa pasaheronan ku ta:

- Sali di un aeropuerto ubiká riba teritorio di un pais ku ta miembro di Union Europeo i ku ta kai bou e Konvenio pa establesé un Komunidat Europeo (por ehèmpel un buelo di Hulanda òf Alemania pa Kòrsou); òf

- Pasaheronan ku tin komo destinashon un pais miembro di Union Europeo i ku ta kai bou di e Konvenio pa establesé un Komunidat Europeo a ménos ku e pasaheronan a haña algun benefisio òf kompensashon i asistensia na e pais di salida i e aerolinia ku ta ehekutá e buelo mester ta establesé den Union Europeo (por ehèmpel un buelo di Kòrsou pa Hulanda òf Alemania ku ArkeFly, KLM òf Air Berlin).

Anulashon di buelo

Den e kaso ku bo buelo di Kòrsou - Hulanda òf Kòrsou – Alemania (vice vèrsá) wòrdu anulá bo tin derechi riba kompensashon na balor di € 600.00, a ménos ku:

1. Eaerolinia a informá e bo por lo ménos 2 siman promé ku e ora planiá di salida di bo buelo ku e buelo a wòrdu anulá; òf

2. E aerolinia a informá bo entre 2 siman i 7 dia promé ku e ora planiá di salida di e buelo di e anulashon i a ofresé bo un otro buelo pa bo destinashon i e buelo aki no ta sali mas ku 2 ora promé ku bo buelo original i no ta yega mas ku 4 ora mas lat na bo destinashon; òf

3. E aerolinia a informá bo den ménos ku 7 dia promé ku e ora planiá di salida di bo buelo di e anulashon i a ofresé bo un otro buelo pa bo destinashon i e buelo aki no ta sali mas ku 1 ora promé ku e buelo original ni no ta yega mas ku 2 ora mas lat ku e buelo original na e destinashon.

Si e aerolinia a ofresé bo un buelo alternativo i e avion yega bo destinashon den ménos ku 4 ora despues di e ora ku bo tabatin ku yega segun skema di bo buelo original, e aerolinia por dunabo komo kompensashon € 300.00 na lugá di € 600.00.

Aerolinia a ninga bo pa abordá e avion (instapweigering)

Den kaso ku e aerolinia nenga pa laga bo bòrdá e avion tambe bo tin derechi riba kompensashon.

Pa tur klaridat: ora nos ta referí na ningamentu pa bòrdá den e konteksto di e Ordenansa dunando e pasahero derechi riba kompensashon, nos ta referí na e situashon kaminda un pasahero a mèldu su mes na ora na bali pa chèk in na aeropuerto pa tuma parti na e buelo i e aerolinia a ninga pa laga e pasahero bòrdá i e rason tras di esaki no ta un rason rasonabel. Pues den kaso ku un aerolinia a ninga pa laga un pasahero bòrdá e avion a base di rasonnan rasonabel manera: rasonnan di siguridat, rasonnan relashoná ku salú di e pasahero òf pa motibu ku e pasahero no tin tur e dokumentonan nesesario, e pasahero no tin derechi riba kompensashon di e aerolinia.

Den e kaso ku un aerolinia ninga di laga un pasahero bòrdá i e rasonnan di e aerolinia no ta rasonabel, e pasahero tin derechi riba un kompensashon di € 600,-.

Bo a yega di haña bo konfrontá ku retrasonan di buelo ora bo bai biaha pa eksterior? Si bo buelo ta pa un pais miembro di Union Europeo, den sierto kaso bo por tin derechi riba un kompensashon monetario di e kompania di aviashon!

Na Kòrsou nos no tin leinan ku ta regla akomodashon òf kompensashon ora un biahero haña su mes konfrontá ku retraso òf kanselashon di su buelo.

Union Europeo si a instituí reglanan pa kompensashon i asistensia pa e pasahero den kaso di retraso òf kanselashon di su buelo den e Ordenansa di Komunidat Europeo Nr. 261-2004. E ordenansa aki ta aplikabel pa pasaheronan ku ta:

- Sali di un aeropuerto ubiká riba teritorio di un pais ku ta miembro di Union Europeo i ku ta kai bou e Konvenio pa establesé un Komunidat Europeo (por ehèmpel un buelo di Hulanda òf Alemania pa Kòrsou); òf

- Pasaheronan ku tin komo destinashon un pais miembro di Union Europeo i ku ta kai bou di e Konvenio pa establesé un Komunidat Europeo a ménos ku e pasaheronan a haña algun benefisio òf kompensashon i asistensia na e pais di salida i e aerolinia ku ta ehekutá e buelo mester ta establesé den Union Europeo (por ehèmpel un buelo di Kòrsou pa Hulanda òf Alemania ku ArkeFly, KLM òf Air Berlin).

DERECHI I DEBER

Importante

Na Kòrsou nos tin 3 kompania di aviashon ku ta ehekutá buelonan direkto pa paisnan miembro di Union Europeo i pa kual e Ordenansa aki ta konta: KLM, Arke Fly i tambe Air Berlin. Si un pasahero bula di Kòrsou pa Schiphol (Arke Fly & KLM) òf Düsseldorf (Air Berlin) òf di e aeropuertonan aki pa Kòrsou i e haña su mes konfrontá ku retraso òf kanselashon di su buelo, bou di sierto kondishonnan e tin derechi riba un kompensashon monetario di e kompania di aviashon.

Retraso di mas ku 3 ora

Si un pasahero biahando ku KLM, Arkey Fly òf Air Berlin di Kòrsou pa Alemania òf Hulanda (òf vice vèrsá) haña su mes konfrontá ku un retraso di mas ku 3 ora, e pasahero tin derechi riba kompensashon di e aerolinia na balor di € 600.00.

Sinembargo, si tin un diferensia di ménos ku 4 ora entre e ora ku e pasahero a yega e destinashon i e ora ku e mester a yega segun su skema di buelo, por ehèmpel e buelo mester a yega Kòrsou 5 or di atardi pero dor di retraso e buelo a yega mitar di 9 di anochi, e kompania di aviashon por duna e pasahero € 300.00 na kompensashon na logá di € 600.00.