Konsumidó Alertá Volumen 11, òktober 2014 - Page 7

Pero segun e reportero James Cook, e hackernan tabata broma bisando ku nan tin akseso na 13 gigabyte na potrèt ku a wòrdu interseptá over di algun aña.

Manera ta mustra, e lèk a originá serka 2 aplikashon ku ta ofresé pa duna nan usuarionan e posibilidat pa warda mensahenan di Snapchat permanentemente. E aplikashonnan no tin outorisashon pa hasi esaki. Ta sospechá ku sigur un di e servisionan aki tabatin un database kaminda e tabata warda tur potrèt i video ku pasa via di dje.

Esaki no ta e promé biaha ku informashon personal di usuarionnan di Snapchat a lèk. Na komienso di e aña aki 4.6 mion username i numbernan di telefòn a lèk online. Mas resien, e servisio a bin ta sufri di mensahenan di spam ku ta wòrdu mandá for di accountnan di e usuarionan sin ku nan ta na altura di esaki.

Nos sa ku aki na Kòrsou personanan ku un ‘smartphone’ ta usa sierto appnan pa manda potrèt i vdeonan. Mirando lokual ta sosediendo, un yamada di alerta ta bai pa sea kouteloso ora bo ta manda potrèt i video. No manda potrètnan i videonan komprometedor paso bo tambe por hañabo konfrontá ku e situashon ku otro personanan por haña akseso na esakinan. Anto kòrda semper: unabes algu ta riba internet, e tei pa semper! Pues wak kiko bo ta pone òf manda hasiendo uso di internet.

kuidou ku mandamentu di potrÈt